নিৰ্ভয়া দলবদ্ধ ধৰ্ষণকাণ্ড : অভিযুক্ত মুকেশ সিঙৰ ক্ষমা আবেদন

নিৰ্ভয়া কাণ্ডৰ অন্যতম দোষী মুকেশ সিঙে ক্ষমা আবেদন পত্ৰ দাখিল কৰিছে ৷ 22 জানুৱাৰীত মুকেশ সিঙৰ সৈতে আন তিনিজনক মৃত্যুদণ্ডৰে দণ্ডিত কৰা হ'ব ৷

নেশ্যনেল ডেস্ক, 14 জানুৱাৰী : নিৰ্ভয়া ধৰ্ষণকাণ্ডৰ মূল চাৰি দোষীৰ অন্যতম মুকেশ সিঙে ক্ষমা আবেদন দাখিল কৰাৰ কথা জানিবলৈ দিয়ে তিহাৰ কাৰাগাৰৰ বিষয়বৱীয়াই ৷ উল্লেখ্য যে, 2012 চনৰ নিৰ্ভয়া কাণ্ডৰ সৈতে জড়িত থকাৰ অপৰাধত চাৰি দোষীক দিল্লী আদালতে মৃত্যুদণ্ডৰ ৰায়দান কৰিছিল ৷

তিহাৰ কাৰাগাৰৰ বিষয়বৱীয়াই কয়, "দোষী মুকেশ সিঙে ক্ষমা আবেদন কৰিছে ৷"

নিৰ্ভয়া কাণ্ডৰ সৈতে জড়িত চাৰি ধৰ্ষণকাৰী হৈছে - মুকেশ সিং(32), পৱন গুপ্তা(25), বিনয় শৰ্মা(26) আৰু অক্ষয় কুমাৰ সিং(31) ৷ উল্লেখ্য যে, এই চাৰি দোষীক 22 জানুৱাৰীৰ দিনা পুৱা 7 বজাত মৃত্যুদণ্ডৰে দণ্ডিত কৰা হ'ব ৷

আৰু পঢ়ক : ৰাজস্থানত হেল্পিং হেণ্ডৰ প্লাষ্টিক বিৰোধী যুঁজ