নিউজ ডেস্ক,৭আগষ্ট: এনআইএৰ এগৰাকী শীৰ্ষ বিষয়াই সদৰি কৰা মতে, সোণৰ চোৰাং ব্যৱসায়ৰ লগত জড়িত মূল অভিযুক্ত স্বপ্না নামৰ এগৰাকী মহিলাই সোনৰ লেনদেনৰ বাবে এটা এপাৰ্টমেণ্টৰ চৌহদত থকা পাৰ্কিঙৰ স্থানটো ব্যৱহাৰ কৰি আহিছিল ।
ৰাষ্ট্ৰীয় অনুসন্ধানকাৰী সংস্থাটোৱে তিৰুৱনন্তপুৰম বিমান বন্দৰত সংযুক্ত আৰৱ আমিৰটৰ বানিজ্য দূতাবাসলৈ অনা কূটনৈতিক সামগ্ৰীৰ বেগত উদ্ধাৰ হোৱা সোণৰ চোৰাং সৰবৰাহৰ গোচৰটোৰ প্ৰসংগত অধিক তথ্য সংগ্ৰহৰ বাবে অভিযান অব্যাহত ৰাখিছে ।
লগতে চোৰাং ভাৱে সৰবৰাহ হোৱা সোণৰ লেনদেনৰ স্থান সমূহক কেন্দ্ৰ কৰি বৰ্তমান নিয়াৰ দলে সাক্ষ্য সংগ্ৰহৰ কামো অব্যাহত ৰাখিছে ।
নিয়াৰ দলে অভিযুক্ত মহম্মদ আলি ইব্ৰাহিমক লগত লৈ তিৰুৱনন্তপুৰম হোটেল এপ'ল ডিম'ৰা আৰু হোটেল ক'ভালাম উদয় সমুদ্ৰত তথ্য সংগ্ৰহৰ বাবে চলাইছিল অভিযান । ইয়াৰ পিছতে অভিযুক্ত ইব্ৰাহিমক সচিবালয় চৌহদৰ কাষতে থকা তথ্য প্ৰযুক্তি বিভাগৰ শিৱশংকৰ নামেৰে প্ৰাক্তন সঞ্চালক এগৰাকীৰ মালিকানাধীন এপাৰ্টমেণ্টটোলৈ লৈ যোৱা হয় ।
নিয়াৰ দলে সন্দেহ কৰা মতে, সোণৰ চোৰাং বেপাৰখনৰ লেনদেনৰ সমগ্ৰ আলোচনা এই এপাৰ্টমেণ্টতেই অনুস্থিত হৈ আহিছিল । নিয়াৰ অভিযানকাৰী দলটোৰ শীৰ্ষ বিষয়াৰ মতে, এপাৰ্টমেণ্টটোৰ চৌহদত থকা পাৰ্কিঙৰ স্থানতে গ্ৰাহকৰে কৰিছিল চোৰাং সোণৰ লেনদেন ।
এপাৰ্টমেণ্ট চৌহদত তথ্য সংগ্ৰহৰ পিছতে অভিযুক্ত মহম্মদ আলি ইব্ৰাহিমক অৱশেষত পঞ্চতাৰকা হোটেল হিলটন গাৰ্ডেনলৈ লৈ যোৱা হয় । উল্লেখ্য যে, এই স্থানৰ পৰা চোৰাং ভাৱে অনা সোণৰ বেপাৰখন চলাই যাবৰ বাবে অভিযুক্ত অপৰাধী আহি তিৰুৱনন্তপুৰমত উপস্থিত হৈছিল ।
লগতে পঢ়ক : হস্ততাঁত শিল্পৰে জীৱন যুঁজত জয়ী হোৱা ৰেণু দাসৰ কথাৰে...
