‘‘অসমক ভাৰতৰ পৰা বিচ্ছিন্ন কৰা আমাৰ কৰ্তব্য’’ প্ৰতিবাদৰ নামত জেএনইউৰ ছাত্ৰৰ মন্তব্য

‘‘অসমক ভাৰতৰ পৰা বিচ্ছিন্ন কৰা আমাৰ কৰ্তব্য’’ জেএনইউৰ ছাত্ৰৰ শাৰজিল ইমামৰ ছ’চিয়েল মিডিয়াত ভাইৰেল বিদ্বেষমূলক ভাষণ ৷

নিউজ ডেস্ক, 25 জানুৱাৰীঃ নাগৰিকত্ব সংশোধনী আইন (কা) আৰু ৰাষ্ট্ৰীয় নাগৰিকপঞ্জীক লৈ সমগ্ৰ দেশতে বিৰোধ প্ৰদৰ্শনৰ মাজতেই ভাইৰেল হৈছে এটা বিদ্বেষমূলক ভাষণ ৷ এই বিদ্বেষমূলক ভাষণ দিল্লী বিশ্ববিদ্যালয়ৰ ছাত্ৰ শাৰজিল ইমামে প্ৰদান কৰে ৷

এই ভিডিঅ’ত ইমামে কৈ আছে- আমি অনা মুছলিম ধৰ্মৰ লোকক কওঁ যদি হে সহানুভূতিশীল হয় তেন্তে আমাৰ চৰ্তখিনিৰ সৈতে থিয় হওক যদি নহয় তেন্তে আমি সহানুভূতিশীল বুলি বিবেচিত নকৰো ৷ মই বিহাৰত প্ৰত্যক্ষ কৰিছো, বিহাৰত বহু ৰেলী হৈছে ৷ প্ৰত্যেক দিনাই এটা-দুটাকৈ বৃহৎ ৰেলী হৈছে ৷ আমি কানহায়া কুমাৰৰ ৰেলীটোও চাব পাৰো য’ত 5 লাখ লোক সমৱেত হৈছে ৷ যদিহে আমাৰ তাত পাঁচ লাখ সু-সজ্জিত লোক হয় তেন্তে উত্তৰ পূৰ্বাঞ্চলক ভাৰতৰ পৰা সম্পূৰ্ণ ৰূপে বিচ্ছিন্ন কৰিব পাৰিম ৷ সম্পূৰ্ণ ৰূপে নোৱাৰিলেও কমেও এমাহৰ বাবে হ'লেও বিচ্ছিন্ন কৰিব পাৰিম ৷ অসমক বিচ্ছিন্ন কৰা আমাৰ কৰ্তব্য ৷ অসম আৰু ভাৰতৰ মাজত বিচ্চিন্ন হ'লেহে এওঁলোকে আমাৰ কথা শুনিব ৷

অৱশ্যে এই ভিডিঅ’টো বৰ্তমানলৈকে কোন ঠাইৰ জানিব পৰা হোৱা নাই ৷ কিন্তু বিজেপিৰ সম্ভিত পাত্ৰাই শাৰজিল ইমামৰ ভিডিঅ’টো টুইটাৰত শ্বেয়াৰ কৰি কয়, বন্ধু সকল শ্বাহীন বাগৰ আচল চৰিত্ৰ চাওক, লগতে প্ৰশ্ন উত্থাপন কৰি কয়, এইয়া ৰাষ্ট্ৰদ্ৰোহ নহয় নেকি ?

সম্ভিত পাত্ৰাই এক সংবাদমেল আয়োজন কৰিও কয়, শ্বাহীন বাঘৰ ষড়যন্ত্ৰ গোটেই বিশ্বৰ আগত প্ৰকাশ পাইছে ৷ শ্বাহীন বাগক তৌহিন বাঘ হে কোৱা উচিত বুলি উল্লেখ কৰে পাত্ৰাই ৷

ইপিনে এই সন্দৰ্ভত অসমৰ স্বাস্থ্যমন্ত্ৰী হিমন্ত বিশ্ব শৰ্মায়ো নিজৰ প্ৰতিক্ৰিয়া প্ৰকাশ কৰে ৷ য’ত অসম চৰকাৰে এই বিষয়ে ফৌজদাৰী গোচৰ তৰিব বুলি কয় মন্ত্ৰীগৰাকীয়ে ৷

• লগতে চাওক-মাংগালুৰুৰ এগৰাকী পৰিৱেশবিদে কাঠেৰে নিৰ্মাণ কৰি উলিয়াইছে ব্ৰাচ