নিউজ ডেস্ক, 26 মে': সোমবাৰে ছত্তীশগড়ৰ চুকুমাৰ মিনাপ্পা অৰণ্যৰ পৰা মাওবাদীয়ে এটা ভিডিঅ' প্ৰকাশ কৰে । মাওবাদী আৰু সুৰক্ষাবলৰ সংঘৰ্ষৰ পাচৰ ভিডিঅ'টোত 17 গৰাকী ৰাজ্যিক আৰক্ষীৰ জোৱান নিহত হৈছিল । প্ৰতিবেদন অনুসৰি, মাওবাদীয়ে দাবী কৰে যে এয়া সেই সংঘৰ্ষৰেই ভিডিঅ' । ভিডিঅ'টোত বহু সংখ্যক মাওবাদীক দেখিবলৈ পোৱা গৈছে । তাৰ লগতে ভিডিঅ'টোত গুলী-বোমাৰ শব্দও শুনা গৈছে ।
সংঘৰ্ষৰ পাচত ভিডিঅ' মুকলি মাওবাদীৰ, 19 জন জোৱানক হত্যা কৰাৰ দাবী
ছত্তীশগড় চুকুমাৰ মিনাপ্পা অৰণ্যত হোৱা সংঘৰ্ষত মাওবাদীয়ে 19 গৰাকী জোৱানক হত্যা কৰা বুলি দাবী কৰাৰ লগতে 20 গৰাকীক আহত কৰা বুলি দাবী জনায় । সংঘৰ্ষৰ পাচত মাওবাদী সকলে প্ৰকাশ কৰা ভিডিঅ'ত বাজেয়াপ্ত কৰা অস্ত্ৰ-শস্ত্ৰ সমূহ পদৰ্শন কৰে ।
বাজেয়াপ্ত কৰা অস্ত্ৰ-শস্ত্ৰ সমূহ পদৰ্শনবাজেয়াপ্ত কৰা অস্ত্ৰ-শস্ত্ৰ সমূহ পদৰ্শন
এই ভিডিঅ'টোত মাওবাদীসকলে 11 টা AK-47, 2টা INSAS ৰাইফল, এটা SLR LMG, দুটা UBGL, 1550 টা গুলী আৰু 6 UBGL ফোন প্ৰদৰ্শন কৰিছে আৰু এই সমূহ সংঘৰ্ষত হত্যা কৰা জোৱান কেইজনৰ পৰা সংগ্ৰহ কৰিছে বুলি দাবী কৰিছে । আনহাতে সংঘৰ্ষটোত 19 জন জোৱান নিহত হোৱাৰ লগতে 20 গৰাকী জোৱানক আহত কৰা বুলি মাওবাদীয়ে দাবী কৰিছে ।
উল্লেখ্য যে, মাওবাদী বিৰোধী অভিযানত যোৱা সুৰক্ষা বাহিনীৰ সৈতে 21 মাৰ্চত এক সংঘৰ্ষ সংঘটিত হৈছিল ।