নক্সাল নেতা মডিয়াম বিজ্জাক হত্যা

নক্সালবাদী সংগঠনৰ নেতা মডিয়াম বিজ্জাক হত্যা । ছট্টিশগড়ত নিজ সংগঠনৰ অনুজ কেডাৰৰ হাততে প্ৰাণ গ'ল নক্সালবাদী নেতা বিজ্জাৰ । ছট্টিশগড়ৰ বিজাপুৰ জিলাৰ গংগালুৰ অঞ্চল কমিটীৰ কেডাৰে হত্যা কৰিলে মডিয়াম বিজ্জাক । ঘটনা সন্দৰ্ভত তদন্ত অব্যাহত।

নেশ্যনেল ডেস্ক, ৩ অক্টোবৰ : ছত্তিশগড়ৰ বিজাপুৰত বহু লোকৰ হত্যাকাণ্ডৰে জড়িত নক্সালবাদী নেতা মডিয়াম বিজ্জাক হত্যা কৰিলে নিজ সংগঠনৰে এজন কেডাৰে । বিজ্জাৰ সম্ভেদ দিওঁতালৈ ৪ লাখ টকাৰ বঁটা ঘোষণা কৰা হৈছিল বুলি প্ৰকাশ কৰিছে আৰক্ষীয়ে । ছট্টিশগড়ৰ বিজাপুৰৰ দক্ষিণ বস্তৰ অঞ্চলত হত্যা-হিংসাৰে ত্ৰাসৰ সৃষ্টি কৰি আহিছিল বিজ্জাই ।

নিৰীহ আদিবাসীৰ বিৰুদ্ধে চলা অত্যাচাৰ সম্বন্ধে জ্যেষ্ঠ আৰু স্থানীয় কেডাৰৰ মাজত সংঘাতৰ সৃষ্টি হৈছিল আৰু এই সংঘাতে হত্যাকাণ্ডৰ ৰূপ লয় । নিজ সংগঠনৰে গংগালুৰ অঞ্চল কমিটীৰ এজন অনুজ কেডাৰে হত্যা কৰে জ্যেষ্ঠ নক্সালবাদী নেতা মডিয়াম বিজ্জাক । বিভাগীয় কমিটীৰ সদস্য বিজাৰ মৃত্যুৰ পিছতে এই কথা প্ৰকাশ কৰিছে আৰক্ষী বিষয়া পি সুন্দৰৰাজে ।

লগতে পঢ়ক :অৰ্থৰ অভাৱত চিকিৎসাৰ পৰা বঞ্চিত এগৰাকী ভাস্কৰ্য শিল্পী