ওড়িষ্যাত সেনা-নক্সালবাদীৰ সংঘৰ্ষ;নিহত 1 নক্সালবাদী

ওড়িষ্যাৰ কালাহান্দিত সেনা আৰু নক্সালবাদীৰ মাজত গুলীয়াগুলি ৷গুলীয়াগুলিত নিহত হৈছে এজন নক্সাল সন্ত্ৰাসবাদী ৷

নিউজ ডেক্স, 16 আগষ্টঃ ওড়িষ্যাৰ কালাহান্দি জিলাত সেনা আৰু নক্সালবাদীৰ মাজত গুলীয়াগুলি ৷ গুলীয়াগুলিত নিহত হৈছে এজন নক্সাল সন্ত্ৰাসবাদী ৷ আৰক্ষী অধীক্ষক অভিষেক বি গংগাধৰে ঘটনা সন্দৰ্ভত প্ৰকাশ কৰিছে এই তথ্য ৷

বৃহস্পতিবাৰে কালাহান্দিতসেনা আৰু নক্সালবাদীৰ মাজত হোৱা গুলীয়াগুলিত এজন নক্সাল সন্ত্ৰাসবাদী নিহত হোৱাৰ লগতে বহুকেইজন নক্সালবাদী আহত হয় ৷আৰক্ষীয়ে অভিযানস্থলীত বহুসংখ্যক বিস্ফোৰক সামগ্ৰী, টিফিন বোমা, বিভিন্ন মাৰণাস্ত্ৰ ভৰ্তি বেগৰ লগতে বহুতো আপত্তিজনক তথ্যপাতি উদ্ধাৰ কৰে ৷ আৰক্ষীৰ মতে বিশেষ সূত্ৰৰ পৰা কালাহান্দি জিলাৰ জংঘলত নক্সালৰ এটা দলে বাহৰ পাতি থকাৰ সম্ভেদ পাই নিৰাপত্তাৰক্ষীয়ে 14 আগষ্টৰ দিনৰ ভাগৰ পৰা অভিযান আৰম্ভ কৰে ৷