বানত জলবন্দী মহালক্ষ্মী এক্সপ্ৰেছৰ 2000 যাত্ৰী

মহাৰাষ্ট্ৰত হোৱা প্ৰৱল বৰষুণৰ ফলত ৰেলপথতে আৱদ্ধ হৈ পৰে মহালক্ষ্মী এক্সপ্ৰেছ ৷ ৰেলখনত থকা 700 যাত্ৰীৰ মাজত সৃষ্টি হয় হাহাকাৰময় পৰিস্থিতি ৷

নিউজ ডেস্ক, 27 জুলাইঃ মহাৰাষ্ট্ৰত সংঘটিত হোৱা প্ৰৱল বৰষুণৰ বাবে মাজপথত আৱদ্ধ হৈ পৰে মহালক্ষ্মী এক্সপ্ৰেছ ৷ বদলাপুৰ আৰু ৱাংগানীৰ মাজত শনিবাৰে ৰাতিপুৱাৰ ভাগত 2000 যাত্ৰীসহ আৱদ্ধ হৈ পৰে ৰেলখন ৷ ইতিমধ্য়ে ঘটনাস্থলীলৈ ৰাঁওনা হৈছে এনডিআৰএফ তথা উদ্ধাৰকাৰী দল ৷ ঘটনাৰ পিচতে অন্যান্য সাতখন ৰেল বাতিল কৰা হয় ৷

ইতিমধ্য়ে ঘটনাস্থলীলৈ অন্য এখন ৰেল প্ৰেৰণ কৰাৰ লগতে হেলিকপ্টাৰ আৰু এনডিআৰএফ বাহিনীৰ সহায়ত উদ্ধাৰ কৰা হৈছে আৱদ্ধ হৈ থকা যাত্ৰীসকলক ৷