মোম্ব্ৰাত আৰক্ষী আৰু সংবাদকৰ্মীৰ ওপৰত শিলাবৰ্ষণ

ঘটনাৰ ভিডিঅ‘ সংগ্ৰহ কৰি থকা সংবাদকৰ্মীৰ ফালে চোঁচা লোৱাৰ লগতে ঘটনাৰ খবৰ পাই ঘটনাস্থলীত উপস্থিত হোৱা আৰক্ষীৰ ওপৰতো দুয়োটা ফৈদৰ ফালৰ পৰা শিলাবৰ্ষণ আৰম্ভ কৰে ৷

নিউজ ডেস্ক, 15 মে‘ : লক ডাউন চলি থকাৰ মাজতে মহাৰাষ্ট্ৰৰ মোম্ব্ৰা চহৰত আৰক্ষী আৰু সংবাদকৰ্মীৰ ওপৰত শিলাবৰ্ষণ কৰে একাংশ লোকে ৷ মোম্ব্ৰাৰ ফেমাচ কলনিত বৃহস্পতিবাৰে নিশা দুটা পৰিয়ালৰ দুটা ফৈদৰ 40 জন মান লোকে একত্ৰিত হৈ প্ৰচণ্ড কাজিয়াত লিপ্ত হোৱাৰ লগতে পৰস্পৰে পৰস্পৰৰ ওপৰত শিল দলিওৱান আৰম্ভ কৰে ৷ এই ঘটনাৰ ভিডিঅ‘ সংগ্ৰহ কৰি থকা সংবাদকৰ্মীৰ ফালে চোঁচা লোৱাৰ লগতে ঘটনাৰ খবৰ পাই ঘটনাস্থলীত উপস্থিত হোৱা আৰক্ষীৰ ওপৰতো দুয়োটা ফৈদৰ ফালৰ পৰা শিলাবৰ্ষণ আৰম্ভ কৰে ৷

এই আক্ৰমণত এজন আৰক্ষীৰ লোকো সামান্য পৰিমাণে আহত হয় ৷ ইতিমধ্যে মোম্ব্ৰা আৰক্ষী থানাত দুয়োটা ফৈদৰ বিৰুদ্ধে আৰক্ষীয়ে নিজাববীয়া গোচৰ ৰুজু কৰি আৰম্ভ কৰিছে তদন্ত ৷ বৰ্তমান সময়লৈকে এই ঘটনাৰ লগত জড়িত কোনো লোকক আটক কৰা হোৱা নাই বুলিও আৰক্ষী সুত্ৰই প্ৰকাশ কৰিছে ৷

লগতে পঢ়ক : গ্ল'ৱেল কোভিড 19 ট্ৰেকাৰ