উৰা বাতৰিৰ বাবে সোণৰ মুদ্ৰা বিচাৰি নদী খান্দিলে ৰাইজে

নদীত সোণৰ মুদ্ৰা ওলোৱাৰ উৰা বাতৰি বিয়পি পৰাৰ লগে লগে একাংশ লোকে নদীত সোণ বিচাৰিবলৈ হেতা ওপৰা লগোৱাৰ লগতে আন একাংশই নদী খান্দিবলৈ আৰম্ভ কৰে ৷ এই ঘটনা সংঘটিত হৈছে ৰাজস্থানৰ ৰাজগড় জিলাত ৷

নেশ্যনেল ডেস্ক,13 জানুৱাৰী : মধ্যপ্ৰদেশৰ ৰাজগড় জিলাৰ শিৱপুৰা গাঁও পঞ্চায়তৰ অন্তৰ্গত গৰুড়পুৰাত পাৰ্বতী নদীত সোণৰ মুদ্ৰা ওলোৱাৰ উৰা বাতৰি বিয়পি পৰাৰ লগে লগে সৃষ্টি হয় এক অভাৱনীয় পৰিস্থিতিৰ ৷ নদীত সোণ ওলোৱাৰ উৰা বাতৰি বিয়পাৰ লগে লগে একাংশ লোকে নদীত সোণ বিচাৰিবলৈ হেতা ওপৰা লগোৱাৰ লগতে আন একাংশই নদী খান্দিবলৈ আৰম্ভ কৰে ৷

উৰা বাতৰিৰ বাবে সোণ বিচাৰি নদী খান্দিলে ৰাইজে

এই ঘটনাৰ খবৰ লাভ কৰি ঘটনাস্থলীত ৰাজহ বিভাগৰ লোক উপস্থিত হয় ৷ ৰাজহ বিভাগৰ লোকে উক্ত ঠাইত সোণৰ মুদ্ৰাৰ কোনো সন্ধান নাপায় যদিও স্থানীয় লোকে নদী খান্দি থকা প্ৰত্যক্ষ কৰে ৷

উল্লেখ্য যে, শিৱপুৰা গাঁৱৰ ৰাইজে পাঁচদিন পূৰ্বে এক খবৰ লাভ কৰিছিল যে পাৰ্বতী নদীত সোণ-ৰূপৰ মুদ্ৰা ওলাই আছে ৷ এই উৰা বাতৰি বিয়পি পৰাৰ লগে লগে নদী খান্দিবলৈ আৰম্ভ কৰে একাংশ স্থানীয় ৰাইজে ৷

লগতে পঢ়ক: গুৱাহাটীত নিৰ্বাচনী আয়োগৰ বিষয়াৰ সমীক্ষামূলক বৈঠক