অন্ধবিশ্বাস নে অলৌকিকতা ! স্বয়ংক্ৰিয়ভাৱে চলাচল কৰিছে এখন হুইল চেয়াৰ

হিন্দী ছবি তাৰজানৰ সেই বিশেষ গাড়ী খনৰ কথা আপোনাৰ নিশ্চয় মনত আছে ৷ যিকোনো মুহূৰ্ততে গাড়ী খনে স্বয়ংক্ৰিয় ভাৱে চলাচল কৰা আৰম্ভ কৰে ৷ কিন্তু এইবাৰ চিনেমাত নহয়, বাস্তৱত সংঘটিত হৈছে অলৌকিক কাণ্ড ৷ পিছে গাড়ী নহয়, এখন হুইল চেয়াৰ চলাচল কৰিছে স্বয়ংক্ৰিয় ভাৱে ৷

নিউজ ডেক্স, 24 ছেপ্টেম্বৰঃচণ্ডীগড়ৰ এখন চিকিৎসালয়ত সংঘটিত হৈছে অলৌকিক ঘটনা ৷ ৰাতি হ'লেই স্বয়ংক্ৰিয় ভাৱে চলাচল কৰা আৰম্ভ কৰে এখন হুইল চেয়াৰে ৷ কোনো ধৰণৰ সহায়ৰ অবিহনে ৰাতি হ'লেই নিজে নিজে হুইল চেয়াৰ খনে চলাচল কৰে ৷ চিকিৎসালয় খনৰ সুৰক্ষাৰ দ্বায়িত্বত থকা নিৰাপত্তাৰক্ষী ওলাই আহি এই দৃশ্য প্ৰত্যক্ষ কৰে ৷ তেওঁৰ সন্মুখতো হুইল চেয়াৰ খনেৰ স্বয়ংক্ৰিয় চলাচল অব্যাহত থাকে ৷ এই দৃশ্য দেখি নিৰাপত্তাৰক্ষী হতবাক ৷

চিকিৎসালয় খনৰ চিচি টিভি কেমেৰাত বন্দী হোৱা এই দৃশ্য বৰ্তমান ভাইৰেল হৈ পৰিছে ৷ বহুতেই এই কাণ্ডৰ আঁৰত অলৌকিকতা বা ভৌতিক কোনো শক্তিৰ প্ৰভাৱ আছে বুলি ক'ব বিচাৰে ৷ কিন্তু অন্য বহুতে কোনো দুষ্ট চক্ৰই সাধাৰণ লোকক ভয় খুৱাবৰ বাবে এনে কাণ্ড কৰিছে বুলি সন্দেহ প্ৰকাশ কৰিছে ৷