প্ৰধান মন্ত্ৰীৰ ৰাহুল গান্ধীলৈ আহ্বান

অমিতাভ বচ্ছন , ছাইনা নেহৱালকো কৰিলে অনুৰোধ

নতুন দিল্লী, 13 মাৰ্চ : কংগ্ৰছ সভাপতি ৰাহুল গান্ধী তথা অন্য ৰাজ্যনৈতিক নেতা ,খেলুৱৈ , অভিনেতা , ব্যৱসায়ীসকললৈ প্ৰধানমন্ত্ৰী মোডীৰ আহ্বান । ভোটদাতাসকলৰ মাজত লোকসভা নিৰ্বাচন সম্পৰ্কত সজাগতা সৃষ্টিৰ লগতে নিৰ্বাচনত অংশগ্ৰহণ কৰিবলৈ উৎসাহ যোগাবলৈ টুইটাৰ যোগে আহ্বান প্ৰধানমন্ত্ৰীগৰাকীৰ ।

প্ৰধানমন্ত্ৰী গৰাকীয়ে টুইটাৰযোগে প্ৰকাশ কৰা অনুসৰি দেশত গণতান্ত্ৰিক চৰকাৰ গঠনৰ বাবে ভোটাদাতাসকলৰ অংশগ্ৰহণ অতি প্ৰয়োজন । সেয়েহে তেওঁ দেশৰ বিভিন্ন ক্ষেত্ৰত প্ৰভাৱশালী ব্যক্তিসকলক এই ক্ষেত্ৰত ভোটদাতা সকলক উৎসাহ যোগাবলৈ আহ্বান জনায় । তেওঁ ৰাহুল গান্ধী , পশ্চিমবংগৰ মুখ্যমন্ত্ৰী মমতা বেনাৰ্জী ,এন চি পি দলৰ নেতা শাৰদ পাৱাৰ , বি এচ পি প্ৰধান মায়াৱতী, আৰ জে ডি নেতা অখিলেশ যাদৱ , তেজস্বী যাদৱ , ডি এম কে প্ৰধান ষ্টলিনক এই ক্ষেত্ৰত আহ্বান জনায় ।লগতে প্ৰধানমন্ত্ৰী গৰাকীয়ে লগতে পি ভি সিন্ধু , ছাইনা নেহৱাল ,অমিতাভ বচ্চন শ্বাহৰুখ খান , ৰতন টাটাকো দেশত এখন শক্তিশালী গণতান্ত্ৰিক চৰকাৰ গঠনৰ সহায়ক হ'বলৈ টুইটাৰ যোগে অনুৰোধ কৰে ।