নিউজ ডেস্ক,২৪ জুলাই:নৰেন্দ্ৰ মোদীৰ এগৰাকী অতি বিশ্বস্ত ব্যক্তি হিচাপে পৰিচিত চি আৰ পাটিলৰ নাম গুজৰাটৰ বিজেপি সভাপতি হিচাপে মঙলবাৰে ঘোষণা হৈছিল । এইগৰাকী অসাধাৰণ বিজেপি কৰ্মীয়ে গুজৰাটৰ সভাপতিৰ দায়িত্ব লোৱাৰ পাছত দলে অন্য এক উচ্চ মাত্ৰা লাভ কৰিব বুলি মোদীয়ে টুইটত উল্লেখ কৰিলে ।
উল্লেখ্য যে, চি আৰ পাটিল গুজৰাটৰ নৱচাৰী লোকসভা সমষ্টিৰো এগৰাকী সাংসদ । সাংসদ গৰাকীয়ে তেওঁৰ নিৰ্বাচনী ক্ষেত্ৰত উন্নত প্ৰযুক্তি ব্যৱহাৰৰ জড়িয়তে জনসাধাৰণক সেৱা আগ বঢ়োৱা আৰু অতি সাধাৰণ জীৱন যাপনৰ বাবে সকলোৰে পৰিচিত এগৰাকী সন্মানীয় নেতা ।