নিউজ ডেস্ক, 23 ডিচেম্বৰ: সমগ্ৰ ভাৰতবৰ্ষত নাগৰিকত্ব সংশোধনী আইনৰ বিৰুদ্ধে প্ৰতিবাদ অব্যাহত থকাৰ সময়তেই বিজেপি নেতা শিৱৰাজ চৌহানৰ বিস্ফোৰক মন্তব্য ৷ পাকিস্তান, আফগানিস্তান আৰু বাংলাদেশৰ পৰা পলায়ন কৰা লোকসকল, যিসকলে ধৰ্মীয় উৎপীৰণৰ সন্মুখীন হৈ আছে সেইসকলৰ বাবে নৰেন্দ্ৰ মোডীক ভগৱান আখ্যা নেতাগৰাকীৰ ৷
মোডী অ-মুছলমান শৰনাৰ্থী সকলৰ বাবে ভগৱান:শিৱৰাজ চৌহান
মাতৃয়ে তেওঁলোকক জন্ম দিছে কিন্তু নৰেন্দ্ৰ মোডীয়ে ভগৱানৰ দৰে অত্যাচাৰৰ পৰা উদ্ধাৰ কৰিছে তেওঁলোকক ৷
মোডী অ-মুছলমান শৰনাৰ্থী সকলৰ বাবে ভগৱান:শিৱৰাজ চৌহান
পাকিস্তান, আফগানিস্তান আৰু বাংলাদেশত ধৰ্মীয় উৎপীড়নৰ বলি হৈ 2014 চনৰ 31 ডিচেম্বৰৰ আগতে ভাৰতলৈ শৰণাৰ্থী হিচাপে অহা লোকসকলৰ বাবে এই আইনখন ৰূপায়ন কৰাৰ বাবে মোডীক ধন্যাবাদ জ্ঞাপন কৰে বিজেপি দলৰ নেতাগৰাকীয়ে ৷ মধ্য প্ৰদেশত এখন জনসভাত অংশগ্ৰহণ কৰি এই মন্তব্য মধ্য প্ৰদেশৰ প্ৰাক্তন মুখ্যমন্ত্ৰী গৰাকীৰ ৷
এই সংখ্যালঘু হিন্দু আৰু আন সম্প্ৰদায়ৰ লোকসকলে পাকিস্তান, আফগানিস্তান আৰু বাংলাদেশত উৎপীৰণৰ সন্মুখীন হ'বলগীয়া হৈছে ৷ তেওঁলোকৰ ওপৰত নানা অত্যাচাৰ চলোৱা হয় ৷ মাতৃয়ে তেওঁলোকক জন্ম দিছে কিন্তু নৰেন্দ্ৰ মোডীয়ে ভগৱানৰ দৰে অত্যাচাৰৰ পৰা উদ্ধাৰ কৰিছে তেওঁলোকক ৷ এই বুলি নাগৰিকত্ব সংশোধনী আইনক সমৰ্থন কৰি এই মন্তব্য কৰে নেতাগৰাকীয়ে ৷