নেশ্যনেল ডেস্ক, 12 অক্টোবৰ: উত্তৰ প্ৰদেশত ঘৰৰ পৰা নিখোজ হৈ থকা এগৰাকী কিশোৰীৰ মৃতদেহ লখিমপুৰ খেৰী জিলাৰ পাশাগাৱান এলেকাৰ কুঁহিয়াৰ খেতিৰ মাজৰ পৰা উদ্ধাৰ হয় ৷
কিশোৰী গৰাকী শুকুৰবাৰে নিৰুদ্দেশ হৈছিল আৰু দেওবাৰে সন্ধিয়া তেওঁৰ মৃতদেহ উদ্ধাৰ হয় ৷ কিশোৰীগৰাকীৰ ডিঙিত আঘাত চিন সুস্পষ্টভাৱে থকাৰ বাবে কোনোৱে তেওঁক হত্যা কৰাৰ সন্দেহ প্ৰকাশ কৰা হৈছে ৷ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে ৷
অতিৰিক্ত আৰক্ষী অধীক্ষক এ.কে সিঙে উল্লেখ কৰা অনুসৰি, শুকুৰবাৰে কিশোৰী গৰাকী নিৰুদ্দেশ হোৱাৰ পাচত পিতৃ-মাতৃয়ে প্ৰদান কৰা অভিযোগৰ ভিত্তিত এখন এজাহাৰ দাখিল কৰিছিল ৷ কিশোৰী গৰাকীৰ পিতৃ-মাতৃয়ে গাঁওখনৰ কোনো লোকৰ সৈতেই তেওঁলোকৰ কোনো ধৰণৰ শত্ৰুতা নাছিল বুলি জানিবলৈ দিয়ে ৷