শ্ৰীনগৰত আৰক্ষীৰ দলক আক্ৰণক অচিনাক্ত সন্তাসবাদীৰ, 2জন আৰক্ষী নিহত

শুকুৰবাৰে পুৱা 9.15 বজাত শ্ৰীনগৰৰ নওগাম বাইপাছৰ কাষত আৰক্ষীৰ দলৰ ওপৰত অতৰ্কিতে গুলিবৰ্ষণ কৰে অচিনাক্ত দুৰ্বৃত্তই ৷ এই আক্ৰমণত দুজনকৈ আৰক্ষী নিহত হোৱাৰ বিপৰীতে গুৰুতৰভাৱে আহত হৈছে এজন আৰক্ষী ৷

নেশ্যনেল ডেক্স,14 আগষ্টঃ মধ্য কাশ্মীৰৰ শ্ৰীনগৰ জিলাত স্বাধীনতা দিৱসৰ পূৰ্বে শুকুৰবাৰে অচিনাক্ত সন্ত্ৰাসবাদীয়ে আৰক্ষীৰ দলৰ ওপৰত আক্ৰমণ চলায় ৷ আৰক্ষীয়ে জনোৱা অনুসৰি শুকুৰবাৰে পুৱা 9.15 বজাত নওগাম বাইপাছৰ কাষত আৰক্ষীৰ দলৰ ওপৰত অতৰ্কিতে গুলিবৰ্ষণ কৰে অচিনাক্ত সন্ত্ৰাসবাদীয়ে ৷

শ্ৰীনগৰত আৰক্ষীৰ দলক আক্ৰণক অচিনাক্ত সন্তাসবাদীৰ

এই আক্ৰমণত তিনিজনকৈ আৰক্ষী আহত হয় ৷ আহত আটাইকেইগৰাকী আৰক্ষীকে ততাতৈয়াকৈ ওচৰৰ হাস্পতালত ভৰ্তি কৰোৱা হয় যদিও ইয়াৰে দুজন আৰক্ষীৰ মৃত্যু হোৱা বুলি জানিবলৈ দিছে এগৰাকী জ্যেষ্ঠ আৰক্ষী বিষয়াই ৷ নিহত আৰক্ষী দুগৰাকী ইশফাক আহমেদ আৰু ফয়াজ আহমেদ বুলি জানিব পৰা গৈছে ৷

লগতে পঢ়ক-ৰাঁচীত চীপ লোৱা অৱস্থাত উদ্ধাৰ পিটিআইৰ জ্যেষ্ঠ সাংবাদিকৰ মৃতদেহ

সম্প্ৰতি সমগ্ৰ অঞ্চলজুৰি নিৰাপত্তা ব্যৱস্থা কটকটীয়া কৰি তোলা হৈছে আৰু আক্ৰমণকাৰীক বিচাৰি উলিওৱাৰ বাবে অভিযান আৰম্ভ কৰা হৈছে ৷