নেশ্যনেল ডেস্ক, 3 মাৰ্চঃএই বৰ্ষত পদ্মশ্ৰী বঁটা প্ৰাপ্তসকলৰ তালিকাত ‘অৰণ্যৰ বিশ্বকোষ’ আৰু ‘হাৰেকালা হাজ্জাবা’ হিচাপে জনাজাত কৰ্ণাটকৰ তুলসী গৌড়াও আছে । ভাৰত চৰকাৰে প্ৰতি বছৰে গণৰাজ্য দিৱসৰ প্ৰাকক্ষণত পদ্ম সন্মানসমূহ ঘোষণা কৰে। বিভিন্ন ক্ষেত্ৰত যেনে সমাজ সেৱা,ৰাজহুৱা বিষয়,বিজ্ঞান আৰু অভিযান্ত্ৰিক,বাণিজ্য আৰু উদ্যোগ, চিকিৎসা,সাহিত্য আৰু শিক্ষা,ক্ৰীড়া,অসামৰিক সেৱা আদিত অনবৈদ্য অৱদান আগবঢ়োৱা বিশিষ্ট ব্যক্তিসকললৈ এই বঁটা প্ৰদান কৰা হয় ।
তুলসী গৌড়াৰ বৰ্তমানৰ বয়স ৭৪ বছৰ আৰু তেওঁ চৰকাৰী চাকৰিৰ পৰা অৱসৰ গ্ৰহণ কৰিছে । কিন্তু গৌড়াই তেওঁৰ প্ৰচেষ্টা অব্যাহত ৰাখিছে । তথ্য অনুসৰি গছপুলিবোৰ নিজে থিয় হৈ উঠিব নোৱৰালৈকে তেওঁ গছপুলি ৰোৱাৰ সকলো দায়িত্ব লোৱাৰ লগতে সেইবোৰৰ যত্ন লয় । হালাক্কি জনজাতিৰ তেওঁ এগৰাকী জনজাতীয় মহিলা । তেওঁৰ গাঁৱত অনিয়ন্ত্ৰিত উন্নয়নৰ নামত ব্যাপক হাৰত হোৱা নিৰ্বনীকৰণত মহিলাগৰাকীয়ে ক্ষোভ প্ৰকাশ কৰে । কৰ্ণাটকৰ ৰাজ্য চৰকাৰৰ লগতে বিভিন্ন অনুষ্ঠান-প্ৰতিষ্ঠানে কেইবাবোৰো গৌড়াই তেওঁৰ জিলাখনৰ পৰিৱেশ সংৰক্ষণৰ বাবে আগবঢ়োৱা অৱদানৰ বাবে তেওঁক সম্বৰ্দ্ধনা জ্ঞাপন কৰিছে l তেওঁ কৰ্ণাটকৰ ৰাজ্যসভা বঁটাও লাভ কৰিছে ।
লগতে চাওকঃ
