বৈঠকত মিলিত ডাঃ জয়শংকৰ আৰু মাইকেল পামপিও

ভাৰতৰ বৈদেশিক পৰিক্ৰমা মন্ত্ৰী ডাঃ জয়শংকৰৰ সৈতে নতুন দিল্লীত বৈঠকত মিলিত হয় আমেৰিকা যুক্তৰাষ্ট্ৰৰ ছেক্ৰেটাৰী অৱ ষ্টেটছ মাইকেল পামপিও ৷ তিনিদিনীয়া ভ্ৰমণসূচীৰে মঙলবাৰে ভাৰতত উপস্থিত হৈছিল মাইকেল পামপিও ৷

নিউজ ডেস্ক, 26 জুনঃ ভাৰত-আমেৰিকাৰ কূটনৈতিক সম্পৰ্ক উন্নত কৰিবলৈ বুধবাৰে আলোচনাত মিলিত হয় আমেৰিকাৰ ছেক্ৰেটাৰী অৱ ষ্টেটছ মাইকেল পামপিও আৰু ভাৰতৰ বৈদেশিক পৰিক্ৰমা মন্ত্ৰী ডাঃ জয়শংকৰ ৷ তিনিদিনীয়া ভ্ৰমণসূচী লৈ বিশেষ বিমানেৰে মঙলবাৰে নিশা নতুন দিল্লীত উপস্থিত হয় আমেৰিকাৰ শীৰ্ষ আমোলাগৰাকী ৷

ভাৰত আৰু আমেৰিকাৰ মাজৰ সম্পৰ্ক প্ৰতিফলিত কৰি অনুষ্ঠিত হোৱা বৈঠকৰ বিষয়ে টুইটাৰত টুইট কৰিছে বৈদেশিক পৰিক্ৰমা মন্ত্ৰালয়ৰ মুখপাত্ৰ ৰভীশ কুমাৰে ৷ ভাৰতৰ শীৰ্ষ পৰ্যায়ৰ প্ৰাক্তন প্ৰশাসনিক বিষয়া তথা বৰ্তমানে বৈদেশিক পৰিক্ৰমা মন্ত্ৰী ডাঃ জয়শংকৰৰ ভাৰত-আমেৰিকাৰ সম্বন্ধ উন্নীতকৰণত বহুটো অৰিহণা আছে ৷ দেশৰ প্ৰধানমন্ত্ৰীৰ সৈতে ৰাতিপুৱাৰ ভাগত আলোচনাত মিলিত হোৱাৰ পিচতেই আবেলি এইদৰে বিদেশ মন্ত্ৰীৰ সৈতে বৈঠকত মিলিত হয় মাইকেল পামপিও ৷

বৈঠকত ভাৰত-আমেৰিকাৰ মাজৰ ৰাজনৈতিক-কূটনৈতিক-অৰ্থনৈতিক আদি বিভিন্ন দিশৰ ওপৰত আলোচনাত মিলিত হয় ৷ আনহাতে বৈঠক সমাপ্তিৰ পিছতেই ৰাষ্ট্ৰীয় সুৰক্ষা উপদেষ্টা অজিত ডোভালৰ সৈতে ছাউথ ব্লকৰ বাহিৰত ব্যক্তিগত আলোচনাত মিলিত হয় মাইকেল পামপিও ৷