নেশ্বনেল ডেস্ক, 31 ডিচেম্বৰঃজেনেৰেল মনোজ মুকুন্দ নাৰাৱানে মঙলবাৰে নতুন স্থলসেনা প্ৰধান হিচাপে কাৰ্যভাৰ গ্ৰহণ কৰে ৷ জেন. বিপিন ৰাৱাটে মঙলবাৰে অৱসৰ গ্ৰহণ কৰাৰ পাচতে দেশৰ 28সংখ্যক স্থলসেনা প্ৰধান হিচাপে দায়িত্বভাৰ গ্ৰহণ কৰে জেন. মনোজ মুকুন্দ নাৰাৱানে ৷
উল্লেখ্য যে, তিনি বছৰীয়া কাৰ্যকালত সেনা প্ৰধান হিচাপে সেৱা আগবঢ়োৱাৰ পাচতে মঙলবাৰে জেন. বিপিন ৰাৱটে অৱসৰ গ্ৰহণ কৰে ৷ বৰ্তমান তেওঁক দেশৰ প্ৰথমগৰাকী চীফ অফ ডিফেঞ্চ হিচাপে নিযুক্তি প্ৰদান কৰা হৈছে ৷ আনহাতে, সেনা প্ৰধান হিচাপে কাৰ্যভাৰ গ্ৰহণৰ পূৰ্বে নাৰাৱানে উপ-সেনা প্ৰধান হিচাপে দায়িত্ব পালন কৰিছিল ৷
উপ-সেনা প্ৰধান হিচাপে নিযুক্তি লাভৰ পূৰ্বে নাৰাৱানে সেনাৰ পূৱ কামাণ্ডৰ নেতৃত্ব প্ৰদান কৰিছিল ৷ এই কামাণ্ডে ভাৰত-চীনৰ 4,000 কি.মি. সীমান্তত নেতৃত্ব প্ৰদান কৰে ৷ 37 বছৰীয়া কাৰ্যকালত বহুকেইটা কামাণ্ডক নেতৃত্ব প্ৰদান কৰাৰ লগতে জম্মু-কাশ্মীৰ আৰু উত্তৰ-পূৱ ভাৰতত সন্ত্ৰাসবাদ ৰোধৰ বিৰুদ্ধে নেতৃত্ব প্ৰদান কৰি আহিছিল জ্যেষ্ঠ সেনা বিষয়াগৰাকীয়ে ৷