নিউজ ডেস্ক, ২৩ জুনঃ বিগত কিছুমাহ পূৰ্বৰ পৰা ৰাজস্থান,গুজৰাট আৰু মধ্যপ্ৰদেশত চলিছে শস্য ধ্বংসকাৰী ফৰিং আক্ৰমণ । কিন্তু শেহতীয়াকৈ ৰাজ্য চৰকাৰৰ কৃষি বিভাগ, স্থানীয় প্ৰশাসন আৰু বিএছএফ জোৱানৰ সহযোগৰ ফলতেই এই ফৰিং আক্ৰমণ নিয়ন্ত্ৰণ কৰিবলৈ সক্ষম হৈছে বুলি সদৰি কৰে কেন্দ্ৰীয় কৃষি আৰু কৃষক কল্যাণ মন্ত্ৰণালয়ে ।
কিছু পৰিমাণে নিয়ন্ত্ৰণ হৈছে ফৰিং আক্ৰমণঃ কেন্দ্ৰীয় কৃষি মন্ত্ৰণালয় কেন্দ্ৰীয় কৃষি আৰু কৃষক কল্যাণ মন্ত্ৰণালয়ে সোমবাৰে সদৰি কৰে যে,ফৰিং নিয়ন্ত্ৰণ কাৰ্যালয়ৰ দ্বাৰা ৬২ স্প্ৰে উপকৰণ ব্যৱহাৰ কৰা হৈছে । য'ত ২১ মাইক্ৰনিয়ৰ আৰু ৪১ অলমাস্ত উপকৰণেৰে প্ৰস্তুত কৰা হৈছে । প্ৰায় ২০০ গৰাকী কৰ্মচাৰী এই কামত নিয়োগ কৰা হৈছে বুলিও সদৰি কৰে ।
তাৰোপৰি LWO আৰু জোধপুৰত ফৰিং আক্ৰমণ নিয়ন্ত্ৰণ কৰিবলৈ ১০ টা কাৰ্যালয় স্থাপন কৰা বুলিও সদৰি কৰে কেন্দ্ৰীয় কৃষি মন্ত্ৰণালয়ে । মৰুভূমি অঞ্চলৰ উপৰিও ৰাজস্থানৰ জয়পুৰত, অজমেৰ,দোহা আৰু চিত্তোৰগড়ৰত অস্থায়ীভাৱে ফৰিং আক্ৰমণ নিয়ন্ত্ৰণ কৰিবলৈ অস্থায়ী কেম্প স্থাপন কৰা হৈছে বুলি সদৰি কৰে ।
আনহাতে, কৃষি মন্ত্ৰণালয়ৰ অনুসৰি, ভাৰত-পাকিস্তান সীমান্ত অঞ্চলতো দুটা শস্য ধ্বংসকাৰী ফৰিঙৰ জাক প্ৰত্যক্ষ কৰে স্থানীয়ই । যাৰ বাবে বিকনাৰ আৰু শ্ৰীনগৰত জিলাত ফৰিং আক্ৰমণ নিয়ন্ত্ৰণ কৰিবলৈ ব্যৱস্থা গ্ৰহণ কৰিছে স্থানীয় প্ৰশাসনে ।
উল্লেখ্য যে, প্ৰত্যেকদিনাই ফৰিঙে আক্ৰমণ চলোৱা অঞ্চলসমূহত স্প্ৰেয়ৰ,ট্ৰেক্টৰ আৰু ফায়াৰ টেণ্ডাৰ বাহনৰ সহায়ত ফৰিং আক্ৰমণ নিয়ন্ত্ৰণ কৰিবললৈ প্ৰয়াস কৰা হয় ।
আনহাতে, বৰ্তমান পৰ্যন্ত ৰাজস্থান চৰকাৰে মুঠ ২,১৪২ খন ট্ৰেক্টৰ আৰু ৪৬ খন জুই নিৰ্বাপন কৰা গাড়ী, মধ্য প্ৰদেশত মুঠ ৮৩ খন ট্ৰেক্টৰ আৰু ৪৭ খন জুই নিৰ্বাপন কৰা গাড়ী, উত্তৰ প্ৰদেশত ৪ খন ট্ৰেক্টৰ আৰু ১৬ খন জুই নিৰ্বাপন কৰা গাড়ী, পঞ্জাৱত ৫০ খন ট্ৰেক্টৰ ৬ জুই নিৰ্বাপন কৰা গাড়ী আৰু গুজৰাটত ৩৮ খন ট্ৰেক্টৰ ধ্বংসকাৰী ফৰিং ত্ৰাসৰ পৰা পৰিত্ৰাণ পাবলৈ ব্যৱহাৰ কৰা হৈছে বুলি উল্লেখ কৰে ।
লগতে চাওকঃ লেহ পৰিদৰ্শন স্থল সেনা বাহিনীৰ মুখ্য জেনেৰেল মনোজ মুকুন্দ নাৰভানৰ
