নেশ্যনেল ডেস্ক, 11 এপ্ৰিল : লকডাউনৰ ফলত গৃহবন্দী হৈ থাকিব লগা হোৱা লোকৰ সহায়ৰ বাবে বিশেষ ব্যৱস্থা গ্ৰহণ কৰিছে অৰুণাচল প্ৰদেশ চৰকাৰে ৷ প্ৰতিঘৰ লোকৰ দুৱাৰদলিত অত্যাৱশ্যকীয় খাদ্য সামগ্ৰী যোগান ধৰিবৰ বাবে ৰাজ্যখনৰ চৰকাৰে মুকলি কৰিছে এপ ৷
25 মাৰ্চত লকডাউন ঘোষণা কৰাৰ পাচতে 'U Tell Us' আৰু 'Dukan Dada' নামৰ দুটা এপ মুকলি কৰিছিল অৰুণাচল চৰকাৰে ৷ ইয়াৰ পাচতে খাদ্য সামগ্ৰী, মাস্ক, ছেনিটাইজাৰ আৰু এম্বুলেন্স সেৱাৰ বাবে মুকলি কৰিছিল 'Mebuddy' আৰু 'APeats' নামৰ দুটা এপ ৷
ৰাজধানী আৰক্ষী অধীক্ষক টুম্মে এমোই মন্তব্য কৰে, "বিভিন্ন ধৰণৰ সেৱা আগবঢ়োৱা দোকানসমূহৰ পৰা খাদ্য সামগ্ৰী ঘৰে-ঘৰে প্ৰেৰণ কৰাৰ চেষ্টা কৰা হৈছে ৷ ইয়াৰ ফলত সকলো লোক নিজ ঘৰত সোমাই থাকিব আৰু সামাজিক দূৰত্ব মানি চলাৰ লগতে COVID-19 ৰ সংক্ৰমণ ৰোধ হ'ব ৷"