নিউজ ডেস্ক,27 জানুৱাৰী: 72 সংখ্যক গণৰাজ্য দিৱসৰ দিনটোতে ভাৰতে মুকলি কৰিলে জনপ্ৰিয় অনলাইন ম’বাইল গেম PUBGৰ বিকল্প FAU-G ৷ এই গেমটো সম্প্ৰতি গুগল প্লে ষ্ট’ৰত উপলব্ধ কৰা হোৱা বুলি জানিবলৈ দিছে গেমটো প্ৰস্তুতকাৰী কোম্পানীয়ে ৷
FAU-G এপটোৰ বৰ্ণনাত দেখুওৱা হৈছে কেনেদৰে ভাৰতীয় সেনাই দুৰ্বৃত্তৰ সৈতে মোকাবিলা কৰে ৷ বলিউড অভিনেতা অক্ষয় কুমাৰে সামাজিক মাধ্যমযোগে FAU-G মুকলি কৰি গেমটোৰ এটি এনিমেটেড ভিডিঅ’ও মকলি কৰিছে ৷
সম্পূৰ্ণৰূপে ভাৰততে প্ৰস্তুত কৰি উলিওৱা FAU-G গেমটোৰ দ্বাৰা আমাৰ সেনাসকলৰ প্ৰতি সন্মান প্ৰদৰ্শন কৰা হৈছে ৷ সম্পূৰ্ণ সঁচা পৃথিৱীখনৰ ওপৰত আধাৰিত এই গেমটোৱে ভাৰতৰ সীমান্তক সুৰক্ষা প্ৰদান কৰা জোৱানসকলৰ উৎসাহ আৰু সংগ্ৰামক জীৱিত কৰি তুলিছে ৷
অভিনেতা অক্ষয় কুমাৰে 2020 চনতে PUBG ম’বাইলক ভাৰতত নিসিদ্ধ কৰাৰ পিছতে আত্মনিৰ্ভৰ ভাৰতৰ অংশ হিচাপে এই অনলাইন গেমটোৰ ঘোষণা কৰিছিল ৷
লগতে পঢ়ক-সামাজিক মাধ্য়মত ভাইৰেল তেজ প্ৰতাপৰ চিঠি
