নিউজ ডেস্ক, ২০ জুনঃভাৰতীয় বায়ুসেনাৰ প্ৰধান মাৰ্চেল আৰ,কে ভদোৰিয়াই পৰিদৰ্শন কৰে লাডাখৰ সীমান্ত অঞ্চল। শুকুৰবাৰে বিয়লি ভাগত বায়ুসেনাৰ প্ৰধান গৰাকীয়ে ব্যক্তিগতভাৱে ভাৰত-চীনৰ মাজত হোৱা সীমান্তৰ সংঘৰ্ষস্থলী পৰিদৰ্শন কৰে মাৰ্চেল আৰ,কে ভদোৰিয়াই ।
সম্প্ৰতি হাই এলাৰ্ট জাৰি কৰা সীমান্ত অঞ্চলত বিগত ১৭ জুনতো যুজাৰু বিমান সন্দৰ্ভত তথ্য ল'বলৈ উপস্থিত হৈছিল মাৰ্চেল আৰ,কে ভদোৰিয়াই । ভদোৰিয়াইন পৰিদৰ্শন কৰাৰ দুদিন পাচতে সীমান্ত অঞ্চলত ভাৰত-চীনৰ মাজত হোৱা সংঘৰ্ষত শ্বহীদ হৈছিল ২০ জনকৈ ভাৰতীয় সেনা জোৱান ।
আনহাতে, সেনা বাহিনীয়ে যুজাৰু বিমানসমূহ পুনৰ আগৰ স্থানলৈ স্থানান্তৰ কৰাৰ লগতে বিমান যুজাৰুসকলক সকলো সময়তে সজাগ থাকিবলৈ নিৰ্দেশ দিয়ে । তাৰোপৰি ভাৰতীয় নৌ-সেনা বাহিনীকো হাই এলাৰ্ট হৈ থাকিবলৈ নিৰ্দেশ দিয়ে বুলি সদৰি কৰে ।
তাৰোপৰি সংঘৰ্ষৰ সময়ত ৪ গৰাকী ভাৰতীয় সেনা বিষয়াসহ ১০ গৰাকী জোৱানক চীনৰ পিপলছ লিবাৰেশ্ব্যন আৰ্মীয়ে আটক কৰে । দুই দিন ধৰি চীনা সেনাই ভাৰতীয় সেনা কেইগৰাকীক আটক কৰি ৰখাৰ দুদিন পাচত তথা বৃহস্পতিবাৰে সেনা কেইগাকীক মুকলি কৰি দিয়ে বুলিও জানিবলৈ দিয়ে ।
লগতে চাওকঃ বেইজিঙত COVID-19 প্ৰতিৰোধ কৰিবলৈ কঠোৰ ব্যৱস্থা গ্ৰহণ