নেচনেল ডেস্ক,10 আগষ্টঃ কেৰেলাত প্ৰবল বৰষুণৰ বাবে হোৱা বানত এতিয়ালৈ 42 জন লোকৰ মৃত্যু হৈছে ৷ এক লাখ লোকক আশ্ৰয় শিবিৰলৈ প্ৰেৰণ কৰা হৈছে ৷ কোজিকোড আৰু মালাপুৰাম জিলাত ইতিমধ্যে মৃত্যু হৈছে 20 জনৰ আৰু ৱাইনাড জিলাত মৃত্যু হৈছে 9 জন লোকৰ ৷ ইয়াৰোপৰি ৰাজ্যখনত থকা 988 টা আশ্ৰয় শিবিৰলৈ 1,07,699 জন লোকক স্থানান্তৰ কৰা হৈছে ৷ এই বানত ভয়াৱহভাবে ক্ষতিগ্ৰস্ত হৈছে ৱাইনাড জিলাৰ 24,990 জন লোক ৷ ৱাইনাড আৰু মালাপুৰাম জিলাত হোৱা ভূমিস্খলনৰ ফলত বহু লোক আবদ্ধ হৈ থকা বুলিও সন্দেহ কৰা হৈছে ৷
ইফালে, প্ৰতিকূল বতৰৰ ফলত ব্যাহত হৈছে উদ্ধাৰ অভিযান ৷ উদ্বেগজনক কথা এই যে 15 গৰাকী লোক এতিয়াও সন্ধানহীন হৈ আছে ৷ চৰকাৰী সূত্ৰই জানিবলৈ দিয়া মতে পানী বিপদ সীমাৰ ওপৰেৰে বৈ থকাৰ বাবে বানাচুৰাচাগৰ বান্ধৰ দ্বাৰ যিকোনো মুহূৰ্তত খুলি দিয়া হ’ব পাৰে বুলি জনায় ৰাজ্যখনৰ মুখ্যমন্ত্ৰী গৰাকীয়ে ৷ নেৰানেপেৰা বৰষুণৰ বাবে মালাপুৰম, কান্নুৰ আৰু ইড্ডুকি জিলাত ভূমিস্খলনৰ ঘটনা সংঘটিত হৈছে ৷ ইয়াৰোপৰি বতৰ বিজ্ঞান প্ৰতিষ্ঠানে দিয়া বতৰৰ আগজাননী অনুসৰি এৰনাকুলাম. ইড্ডুকি. পালাক্কড, মালাপুৰাম, কঝিকড, ৱেআনাড আৰু কান্নুৰ জিলাত ৰেড এলাৰ্ট জাৰি কৰা হৈছে ৷
কেৰেলাত বানৰ তাণ্ডৱ : 42 জনৰ মৃত্যু
কেৰেলাত প্ৰৱল বৰষুণৰ বাবে আৰম্ভ হৈছে বানৰ তাণ্ডৱ
কেৰেলাত প্ৰবল বৰষুণৰ বাবে হোৱা বানপানী
কেৰেলাত প্ৰবল বৰষুণৰ বাবে হোৱা বানপানী
উল্লেখ্য যে, দেওবাৰে ৱাইনাড সমষ্টিৰ সাংসদ ৰাহুল গান্ধীয়ে ৱাইনাড ভ্ৰমণ কৰা কথা আছে ৷