লক ডাউনৰ বাবেই হ্ৰাস পাব COVID-19ত আক্ৰান্তৰ সংখ্যাঃ চন্দ্ৰশেখৰ ৰাৱ

তেলেংগানাৰ মুখ্যমন্ত্ৰী কে চন্দ্ৰশেখৰ ৰাৱে ৰাজ্যখনত মহামাৰী COVID-19ত আক্ৰান্তৰ সংখ্যা হ্ৰাস পাব বুলি তেওঁ আশাবাদী বুলি মন্তব্য কৰে । COVID-19 প্ৰতিৰোধ কৰিবলৈ লক ডাউনৰ মানদণ্ড বজাই ৰখাৰ বাবেও জনসাধৰণক ধন্যবাদ জ্ঞাপন কৰে মুখ্যমন্ত্ৰী গৰাকীয়ে ।

নিউজ ডেস্ক,২৩ এপ্ৰিলঃ তেলেংগানাৰ মুখ্যমন্ত্ৰী চন্দ্ৰশেখৰ ৰাৱে আশা প্ৰকাশ কৰে যে, লক ডাউনৰ নিয়ম-নীতি কঠোৰ কৰিলে হ্ৰাস পাব মহামাৰী COVID-19 ত আক্ৰান্তৰ সংখ্যা । ২২ এপ্ৰিলত তেলেংগানাত মাত্ৰ ১৫ জন ব্যক্তি নতুনকৈ COVID-19 ত আক্ৰান্ত হোৱা বুলি সদৰী কৰি কয় যে,আগন্তুক দিনত ইয়াতকৈ ৰাজ্যখনত ভাইৰাছত আক্ৰান্ত ৰোগীৰ সংখ্যা হ্ৰাস পাব ।

লক ডাউনৰ বাবেই হ্ৰাস পালে COVID-19 ত আক্ৰান্তৰ সংখ্যাঃ চন্দ্ৰশেখৰ ৰাৱ

বুধবাৰে মুখ্যমন্ত্ৰী চন্দ্ৰশেখৰ ৰাৱে ৰাজ্যৰ পৰিস্থিতি সন্দৰ্ভত মুখ্য সচিব সোমশ কুমাৰ,ডিজিপি এম মহেন্দ্ৰ ৰেড্ডী আৰু অন্য কেইবাগৰাকীও বিষয়ববীয়াক সাক্ষাৎ কৰি খবৰ লয়। লগতে বহু নিশালৈকে ৰাজ্যৰ COVID-19 পৰিস্থিতি সন্দৰ্ভত সমীক্ষা চলাই ।

সমীক্ষাৰ অন্তত মুখ্যমন্ত্ৰী গৰাকীয়ে কয়,"চৰকাৰৰ দ্বাৰা লোৱা ব্যৱস্থা সমূহ পৰা ভাইৰাছটো সংক্ৰমিত হোৱাত বাধা হৈছে । যাৰ বাবে পূৰ্বতকৈ ভাইৰাছত আক্ৰান্ত হোৱা সংখ্যা হ্ৰাস পাইছে । যদি জনসাধাৰণে এনেকৈ সমৰ্থন আগবঢ়াই যায় নিয়ম পালন কৰে তেন্তে নিশ্চয়কৈ আমি এই ভাইৰাছক পৰাজয় কৰিব পাৰিম ।

লগতে চাওকঃ এইবাৰ ঘৰচীয়া মেকুৰীৰ দেহত ধৰা পৰিল কোভিড-১৯ৰ ভাইৰাছ কৰ'ণা