নিউজ ডেস্ক, ২৪ জুনঃবলিউডৰ অভিনেতা কাৰ্তিক আৰিয়ানে মঙলবাৰে চীনৰ ইউলিন চহৰৰ গুয়াংসি ঝুয়াংয়েৰ স্বায়ত্বশাষিত অঞ্চলত পূৰ্বৰ পৰা চলি অহা কুকুৰ মাংসকলৈ কৰা বিতৰ্কিত উৎসৱৰ বিৰুদ্ধে প্ৰতিক্ৰিয়া ব্যক্ত কৰে ।
মঙলবাৰে অভিনেতা গৰাকীয়ে ছ'চিয়েল মিডিয়াযোগে দুটি পোহনীয়া কুকুৰ সৈতে থকা এখন ফটো শ্বেয়াৰ কৰে । লগতে ফটোখনৰ লগত পোষ্ট কৰে যে, "প্ৰত্যেক বছৰে চীনত উদযাপন হোৱা 'ইউলিন উৎসৱে' মোক মৰ্মাহত কৰে । #StopYulin#YulinMKB"
আনহাতে, কাৰ্তিক আৰিয়ানৰ চীনৰ এই বিতৰ্কিত উৎসৱ বিৰুদ্ধে মত প্ৰকাশ কৰি ছ'চিয়েল মিডিয়াত শ্বেয়াৰ কৰা পোষ্টটোত কিছু সময়ৰ ভিতৰত এক মিলিয়নতকৈ অধিক লাইক অহাৰ লগতে বলিউড অভিনেত্ৰী অনুষ্কা শৰ্মা আৰু ভূমি পেডনেকৰসহিতে বহু কেইগৰাকী অভিনেতা-অভিনেত্ৰীয়ে প্ৰশংসা কৰে ।