কেবিনেট গঠন নোহোৱাক লৈ ৰাষ্ট্ৰপতিলৈ চিঠি কপিল চিবাল আৰু বিবেক টানখাৰ

মন্ত্ৰী পৰিষদ নোহোৱাকৈয়ে চলি আছে মধ্যপ্ৰদেশ । সেয়ে এই বিষয়টো লৈ জ্যেষ্ঠ অধিবক্তা তথা কংগ্ৰেছ নেতা কপিল চিবাল আৰু বিবেক টনখাই ৰাষ্ট্ৰপতিলৈ এখন পত্ৰ প্ৰেৰণ কৰে । প্ৰত্ৰখনৰ জৰিয়তে মধ্যপ্ৰদেশ মন্ত্ৰী পৰিষদ গঠনৰ নিৰ্দেশ দিবলৈ ৰাষ্ট্ৰপতিৰ ওচৰত আহ্বান জনাই ।

নিউজ ডেস্ক, 21 এপ্ৰিলঃ জেষ্ঠ উকিল তথা কংগ্ৰেছী নেতা কপিল চিবাল আৰু বিবেক টনখাই ৰাষ্ট্ৰপতিলৈ এখন পত্ৰ প্ৰেৰণ কৰে । মধ্য প্ৰদেশত অ-সংবিধানিকভাৱে চৰকাৰে কাম চলাই থকা সম্পৰ্কত পত্ৰখন লিখে । কেবিনেট গঠন নোহোৱা বিষয়টো উল্লেখ কৰি ৰাষ্ট্ৰপতিক কেবিনেট গঠন কৰাবলৈ নিৰ্দেশ দিবলৈ আহ্বান জনাই পত্ৰখনৰ জৰিয়তে ।

তেওঁলোকে ৰাজ্যচৰকাৰ ভোট-অন-একাউণ্টৰ ক্ষেত্ৰতো বিচাৰ কৰিবলৈ কয় আৰু চৰকাৰত কাৰ্যকৰী কৰিবৰ বাবে নিৰ্দেশ দিবলৈ আহ্বান জনায়। আৰু এই ক্ষেত্ৰত ৰাজ্য চৰকাৰে ব্যৱস্থা নল'লে ৰাজ্যপালৰ পৰা এক প্ৰতিবেদন দিয়াবৰ বাবে তলব কৰিবলৈ আৰু প্ৰয়োজন সাপেক্ষে ৰাষ্ট্ৰপতি শাসন প্ৰযোজ্য কৰিবলৈ আহ্বান জনায়। মধ্য প্ৰদেশৰ বৰ্তমান শাসন ব্যৱস্থাই সাংবিধানিক কাৰ্যপ্ৰণালীক সম্পূৰ্ণৰূপে অমান্য কৰিছে বুলি পত্ৰত উপস্থাপন কৰে।

COVID-19ৰ সংকটময় সময়ত চৰকাৰ এখন সাংবিধানিক দায়িত্ব পালন নকৰিলে ভৱিষ্যৎ প্ৰজন্মই ক্ষমা নকৰিব বুলি কয় পত্ৰখনত ।

লগতে পঢ়কঃ অসম পালেহি ৯৬০০ ৰেপিড টেষ্ট কিটঃ আধা ঘণ্টাতে হ'ব পৰীক্ষা