দেশৰ প্ৰথম গৰাকী লোকপাল ন্যায়াধীশ পি চি ঘোষৰ শপতগ্ৰহণ

শনিবাৰে দেশৰ ৰাষ্ট্ৰপতি ৰামনাথ কোৱিন্দে ন্যায়াধীশগৰাকীক লোকপাল হিচাপে পাঠ কৰালে শপতবাক্য

নিউজ ডেস্ক, 24 মাৰ্চঃ দেশৰ প্ৰথমগৰাকী লোকপাল হিচাপে শপতগ্ৰহণ ন্যায়াধীশ পিনাকী চন্দ্ৰ ঘোষৰ ৷ শনিবাৰে দেশৰ ৰাষ্ট্ৰপতি ৰামনাথ কোৱিন্দে ন্যায়াধীশগৰাকীক লোকপাল হিচাপে শপতবাক্য পাঠ কৰায় ৷

উক্ত অনুষ্ঠানত দেশৰ প্ৰধানমন্ত্ৰীকে ধৰি উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈ আৰু উপ-ৰাষ্ট্ৰপতি এম ভেংকায়া নাইডু উপস্থিত থাকে ৷ দেশৰ প্ৰধানমন্ত্ৰী নৰেন্দ্ৰ মোডীৰ নেতৃত্বত গঠিত 8জনীয়া কমিটিয়ে লোকপালৰ নাম নিৰ্বাচিত কৰিছিল ৷ পৰৱৰ্তী সময়ত চলিত মাহৰ 19 তাৰিখে ঘোষণা কৰা হৈছিল ন্যায়াধীশ পিনাকী চন্দ্ৰ ঘোষৰ নাম ৷