নেশ্বনেল ডেস্ক, 5 জানুৱাৰীঃ নতুন দিল্লীৰ জৱাহৰলাল নেহৰু বিশ্ববিদ্যালয়ত উত্তপ্ত পৰিস্থিতি ৷ দেওবাৰে বিশ্ববিদ্য়ালয়খনৰ ছাত্ৰ একতা সভা আৰু অখিল ভাৰতীয় বিদ্যাৰ্থী পৰিষদৰ মাজত সংঘটিত হয় শিলাবৰ্ষণৰ দৰে ঘটনা ৷ ঘটনাক লৈ বিশ্ববিদ্যালয় চৌহদত মোতায়েন কৰা হৈছে অতিৰিক্ত বাহিনী ৷
ঘটনা অনুসৰি, বিশ্ববিদ্যালয়খনৰ ছাত্ৰ একতা সভাৰ সভানেত্ৰী আইছি ঘোষক আক্ৰমণ কৰাক লৈয়ে উত্তপ্ত হৈ পৰে সমগ্ৰ শিক্ষানুষ্ঠানখন ৷ ঘটনাত এবিভিপিৰ সদস্য জড়িত থকাৰ অভিযোগ উত্থাপন কৰাৰ লগতে শিলাবৰ্ষণৰ দৰে গুৰুতৰ অভিযোগ উত্থাপন হয় এবিভিপিৰ বিৰুদ্ধে ৷ এই ঘটনাত ছাত্ৰ একতা সভাৰ সভানেত্ৰী আইছি ঘোষ গুৰুতৰভাৱে আঘাতপ্ৰাপ্ত হয় ৷ বিশ্ববিদ্যালয়ৰ শিক্ষক সংস্থাই আয়োজন কৰা এখন সভাত সংঘটিত হয় এই ঘটনা ৷