নেশ্যনেল ডেস্ক, 28 অক্টোবৰ : কেন্দ্ৰীয় গৃহমন্ত্ৰণালয়ে জম্মু-কাশ্মীৰ আৰু লাডাখ কেন্দ্ৰীয় শাসিত অঞ্চলত ভূমি আইন প্ৰৱৰ্তন কৰাৰ এদিন পাচতে ৰাষ্ট্ৰীয় অনুসন্ধান সংস্থা চমুকৈ NIAয়ে বুধবাৰে শ্ৰীনগৰত বহুকেইটা আগশাৰীৰ কাৰ্যালয়ত অভিযান চলায় ৷ এই কাৰ্যালয় সমূহৰ ভিতৰত আছে কাশ্মীৰৰ আগশাৰীৰ ইংৰাজী দৈনিক কাকত গ্ৰেটাৰ কাশ্মীৰৰ মুখ্য কাৰ্যালয়, আন্তৰ্জাতিক ক্ষেত্ৰত পৰিচিতি লাভ কৰা মানৱ অধিকাৰ কৰ্মী খুৰাম পাৰ্ভেজৰ বাসগৃহ আৰু জনকল্যাণ সংস্থা আৰ্থোটৰ কাৰ্যালয় ৷
বিশেষ সূত্ৰই জনোৱা মতে, NIA-ৰ বিষয়া পুৱা নগৰখনৰ চাৰিটা স্থানত অভিযানত অভিযানত চলায় ৷ প্ৰতাপ পাৰ্কস্থিত গ্ৰেটাৰ কাশ্মীৰৰ কাৰ্যালয়, চন’ৱাৰত থকা মানৱ অধিকাৰ কৰ্মী খুৰাম পাৰভেজৰ বাসগৃহ, নেহৰু পাৰ্কৰ সমীপত অৱস্থিত মহম্মদ আমিন ডাংগোলাৰ হাউচ আৰু আৰ্থোট নামৰ বেচৰকাৰী সংস্থাটোৰ কাৰ্যালয়ত অভিযান চলায় NIAয়ে ৷