ঝাৰখণ্ড, 10 জুলাই: দেশত অব্যাহত আছে বজ্ৰপাতৰ তাণ্ডৱলীলা । উত্তৰ প্ৰদেশ, বিহাৰৰ পাচতেই এইবাৰ ঝাৰখণ্ডত বজ্ৰপাত পৰি মৃত্যু হৈছে 12 জনকৈ লোকৰ । আনহাতে আহত হৈছে প্ৰায় 11 জনকৈ লোক । বিগত 24 ঘণ্টাত ৰাজ্যখনৰ বিভিন্ন স্থানৰ পৰা আহিছে এই তথ্য ।
গিৰিধিহ অঞ্চলৰ বাৰ্ণি আৰু আৰাৰাত এগৰাকী মহিলাসহ তিনিগৰাকী লোকৰ মৃত্য়ু হোৱা খবৰ আহি পৰিছে । মৃত মহিলাগৰাকী ললিতা দেৱী বুলি চিনাক্ত কৰা হৈছে । আনহাতে কাৰ্ণাপুৰা পঞ্চায়তৰ ভজদাহাত এগৰাকী কিশোৰী আৰু খেতিয়ক আঘাতপ্ৰাপ্ত হৈছে । বাজনাথ বাৰ্মা নামৰ এজন লোকে সম্প্ৰতি চিকিৎসাধীন হৈ আছে । আনহাতে গড্ডাছ কুছুমঘাটীতো দুগৰাকী মহিলাই অকাল মৃত্য়ুক সাৱতিবলগীয়া হৈছে । লগতে বহু পশুধনৰো প্ৰাণ গৈছে ।