অশান্ত জামিয়া মিলিয়াঃ বিশ্ববিদ্যালয়ৰ প্ৰৱেশ দ্বাৰত ছাত্ৰৰ অৰ্ধ উলংগ প্ৰতিবাদ

দেওবাৰে জামিয়া মিলিয়া ইছলামিয়া বিশ্ববিদ্যালয়ৰ ছাত্ৰ ছাত্ৰীৰ প্ৰতিবাদত সৃষ্টি হোৱা হিংসাত্মক ঘটনাৰ পাছত সোমবাৰে বিশ্ববিদ্যালয় খনৰ ছাত্ৰ ছাত্ৰীয়ে আৰম্ভ কৰিছে উলংগ প্ৰতিবাদ ৷

দিল্লী , 16 ডিচেম্বৰঃ নাগৰিকত্ব সংশোধনী আইন আৰু এন আৰ চিৰ বিৰুদ্ধে জামিয়া-মিলিয়া ইছলামিয়া বিশ্ববিদ্যালয়ৰ ছাত্ৰ ছাত্ৰীৰ ধাৰাবাহিক প্ৰতিবাদ অব্যাহত আছে ৷ দেওবাৰে ছাত্ৰ ছাত্ৰীৰ এই প্ৰতিবাদে লৈছিল হিংসাত্মক ৰূপ ৷ প্ৰতিবাদী ছাত্ৰ ছাত্ৰী সকলে এখন যাত্ৰীবাহী বাছত অগ্নিসংযোগ কৰাৰ অভিযোগো উত্থাপন হৈছে ৷

দিল্লী আৰক্ষীয়ে বিশ্ববিদ্যালয় খনৰ চৌহদত প্ৰৱেশ কৰি প্ৰহাৰ কৰিছিল ছাত্ৰ ছাত্ৰীক ৷ ইফালে ছাত্ৰ ছাত্ৰীয়ে সকলেও আৰক্ষীলৈ শিলাবৰ্ষণ কৰে ৷ পৰিস্থিতি নিয়ন্ত্ৰণৰ বাবে আৰক্ষীয়ে গুলীচালনা কৰিব লগা হয় ৷ এনে পৰিস্থিতিত গুৰুতৰভাৱে আহত হয় বিশ্ববিদ্যালয় খনৰ কেইবা গৰাকীও ছাত্ৰ-ছাত্ৰী ৷ ইয়াৰ পাছতে সোমবাৰে বিশ্ববিদ্যালয় খনৰ 7 নম্বৰ প্ৰৱেশ দ্বাৰত অৰ্ধ উলংগ হৈ আৰম্ভ কৰিছে প্ৰতিবাদ ৷

লগতে পঢ়ক, দিল্লীত CAAৰ বিৰুদ্ধে উত্তাল প্ৰতিবাদঃ প্ৰতিবাদকাৰীয়ে জ্বলালে বাছ