নেশ্যনেল ডেস্ক, ১৬ অক্টোবৰ: জম্মু-কাশ্মীৰৰ পুঞ্চ জিলাত নিয়ন্ত্ৰণ ৰেখাৰ সমীপত পাক সেনাৰ গুলীবৰ্ষণ । ধাৰবাহিকভাৱে তৃতীয় দিনাও পুনৰ যুদ্ধবিৰতি উলংঘন কৰে পাকিস্তানে । শুকুৰবাৰে পুৱা ৫.১৫ বজাত পুঞ্চ জিলাৰ মানকোট ছেক্টৰত গুলীচালনা কৰে পাক সেনাই । সৰু অস্ত্ৰ আৰু ম'ৰ্টাৰেৰে আক্ৰমণ কৰা পাক সেনাৰ আক্ৰমণৰ প্ৰত্যুত্তৰত ভাৰতীয় সেনায়ো গুলীচালনা কৰে ।
বৃহস্পতিবাৰে পুঞ্চ জিলাৰ নিয়ন্ত্ৰণ ৰেখাৰ সমীপত পাক সেনাই কৰা আক্ৰমণত ভাৰতীয় সেনাৰ এজন জেচিঅ' আহত হৈছিল । যোৱা ১৪ অক্টোবৰত একেখন জিলাৰে দুটা ছেক্টৰত নিৰাপত্তাৰক্ষীৰ ওপৰত গুলীচালনা কৰিছিল পাকিস্তানে । প্ৰতিৰক্ষা মন্ত্ৰালয়ৰ মুখপাত্ৰ কৰ্ণেল কেবল আনন্দে কয় যে, পাকিস্তানৰ সেনাই সৰু অস্ত্ৰ আৰু ম'ৰ্টাৰেৰে পুঞ্চ জিলাৰ মানকোট আৰু মেন্ধৰ ছেক্টৰত আক্ৰমণ কৰে ।