সেনাবাহিনীৰে সংঘৰ্ষত লিপ্ত সন্ত্ৰাসবাদী

জম্মু কাশ্মীৰৰ অনন্তনাগত শনিবাৰে ৰাতিপুৱাৰে পৰা চলি আছে ধাৰাসাৰ গুলীবৰ্ষণ ৷

নিউজ ডেস্ক, 30 মাৰ্চঃ সন্ত্ৰাসজৰ্জৰ জম্মু কাশ্মীৰৰ পুনৰ সেনাৰ সৈতে সংঘৰ্ষত লিপ্ত সন্ত্ৰাসবাদীৰ দল ৷ ৰাজ্যখনৰ অনন্তনাগ জিলাত শনিবাৰে ৰাতিপুৱাৰ ভাগৰে পৰাই অব্যাহত আছে সংঘৰ্ষ ৷

অনন্তনাগৰ টানিগাৱা গাঁওত সেনাই সন্ত্ৰাসবাদীৰ এটি দল লুকাই থকাৰ সম্ভেদ লাভ কৰে ৷ পৰৱৰ্তী সময়ত সেনাৰ এটি দলে স্থানীয় আৰক্ষী আৰু চি আৰ পি এফৰ সহযোগত সমগ্ৰ অঞ্চলটো ঘেৰি লৈ তালাচী অভিযান আৰম্ভ কৰে ৷

তালাচী অভিযানৰ সময়তে সন্ত্ৰাসবাদীৰ দলটোৱে সেনালৈ বুলি গুলীচালনা কৰে ৷ পৰৱৰ্তী সময়ত সেনায়ো ইয়াৰ যোগ্য প্ৰত্যুত্তৰ প্ৰদান কৰে ৷ আনহাতে বৰ্তমান সময়লৈ অঞ্চলটোত সেনা-আৰক্ষীৰ অভিযান অব্যাহত আছে ৷ সংঘৰ্ষত হোৱা ক্ষয়-ক্ষতিৰ পৰিমান জানিব পৰা হোৱা নাই যদিও সন্ত্ৰাসবাদীৰ দলটোৰ সন্ধানত সেনাই অভিযান অব্যাহত ৰাখিছে ৷