নিউজ ডেস্ক, 7 জুলাই : জম্মু - কাশ্মীৰৰ মুখ্য সচিব বি. সুব্ৰমনিয়ামে দেওবাৰে কাৰ্গিল যুদ্ধৰ স্মাৰক ভ্ৰমণ কৰে ৷ ৰাজ্য খনলৈ ৰাষ্ট্ৰপতি ৰাম নাথ কোবিন্দৰ ভ্ৰমণৰ পূৰ্বে এইদৰে কাৰ্গিলৰ যুদ্ধ স্মাৰক নিৰীক্ষণ কৰে সচিব গৰাকীয়ে ৷ ইয়াৰোপৰি, যুদ্ধ স্মাৰকত পুষ্পাঞ্জলিও অৰ্পণ কৰে সুব্ৰমনিয়ামে ৷
জম্মু - কাশ্মীৰৰ মুখ্য সচিবৰ কাৰ্গিল ভ্ৰমণ - ৰাষ্ট্ৰপতি ৰাম নাথ কোবিন্দ
কাৰ্গিল যুদ্ধৰ 20 বৰ্ষপূৰ্তিৰ উদ্দেশ্যে জম্মু - কাশ্মীৰ ভ্ৰমণ কৰিব ৰাষ্ট্ৰপতি ৰাম নাথ কোবিন্দে ৷ ৰাষ্ট্ৰপতিৰ ভ্ৰমণৰ পূৰ্বে কাৰ্গিল যুদ্ধৰ স্মাৰক ভ্ৰমণ কৰে জম্মু - কাশ্মীৰৰ মুখ্য সচিব বি. সুব্ৰমনিয়ামে ৷
জম্মু - কাশ্মীৰৰ মূখ্য সচিবৰ কাৰ্গিল ভ্ৰমণ
উল্লেখ্য যে, কাৰ্গিল যু্দ্ধৰ টাইগাৰ হিলৰ জয়ৰ স্মৃতি যুগমীয়া কৰাৰ উদ্দেশ্যে চলিত মাহৰ শেষৰ ফালে ভাৰতৰ ৰাষ্ট্ৰপতি গৰাকীয়ে জম্মু - কাশ্মীৰ ভ্ৰমণ কৰিব ৷ চলিত বৰ্ষত 'অপাৰেচন বিজয়' অৰ্থাৎ কাৰ্গিল যুদ্ধৰ 20 বৰ্ষপূৰ্তি সম্পূৰ্ণ হ'ব ৷ এই উপলক্ষে ভাৰতীয় সামৰিক বাহিনীয়ে 25 - 27 জুলাইলৈ সমগ্ৰ দেশজুৰি এই বৰ্ষপূৰ্তি পালন কৰিব ৷