নেশ্বনেল ডেস্ক, 26 জানুৱাৰীঃ লাডাখৰ 17 হাজাৰ ফুট উচ্চতাত পালন দেশৰ 71সংখ্যক গনতন্ত্ৰ দিৱস ৷ দেশৰ অৰ্ধসামৰিক বাহিনীৰ অন্যতম ভাৰত-তিব্বত সীমা আৰক্ষী বাহিনীয়ে লাডাখৰ -20 ডিগ্ৰী চেলচিয়াছ উষ্ণতাত পালন কৰে দেশৰ 71সংখ্যক গনতন্ত্ৰ দিৱস ৷
আইটিবিপি যাক হিমালয়ৰ লগতে ভাৰতৰ উত্তৰ সীমান্তৰ সুৰক্ষাৰ দায়িত্ব প্ৰদান কৰা হৈছে, এইদৰে লাডাখৰ হাড় কপোৱা শীতত উদযাপন কৰে গনতন্ত্ৰ দিৱস ৷ আইটিবিপিয়ে ইয়াৰ অফিচিয়েল টুইটাৰ যোগে ইয়াৰ দৃশ্যাংশ টুইট কৰে ৷ সমগ্ৰ টুইটটোত 15 গৰাকী আইটিবিপি হিমবীৰে বৰফত পিন্ধা ইউনিফৰ্মৰ লগতে জাতীয় পতাকা লৈ ভাৰত মাতা কি জয় আৰু বন্দে মাতৰম ধ্বনি দি এইদৰে গনতন্ত্ৰ দিৱস উদযাপন কৰে ৷
