নিউজ ডেস্ক, 27 জুলাই : ইজৰাইলৰ স্বাস্থ্য আৰু বৈদেশিক পৰিক্ৰমা বিভাগৰ এটা বিষয়াৰ দল আহি ভাৰতত উপস্থিত হয় ৷ দলটোৱে ভাৰত আৰু ইজৰাইলৰ মাজত সম্পন্ন হ'বলগীয়া চাৰিটা যুটীয়া কোভিড-19 আৰোগ্য সমাধানৰ প্ৰকল্পৰ বাবে এইদৰে ভাৰতত আহি উপস্থিত হয় সোমবাৰে ৷ সৰ্বভাৰতীয় আয়ুৰ্বিদ্যা প্ৰতিষ্ঠান চমুকৈ এইমছৰ সৈতে দলটোৱে যুটীয়াভাৱে এই প্ৰকল্পত কাম কৰিব ৷
ভাৰতত উপস্থিত ইজৰাইলৰ স্বাস্থ্যকৰ্মীৰ দল
ইয়াৰ পূৰ্বেই ইজৰাইলৰ প্ৰতিৰক্ষা মন্ত্ৰালয়ে টুইট কৰি দেশখনৰ স্বাস্থ্যবিভাগ আৰু বৈদেশিক পৰিক্ৰমা বিভাগৰ দলটো ইজৰাইলৰ পৰা ভাৰতলৈ বুলি উৰা মাৰিছে বুলি প্ৰকাশ কৰিছিল ৷ ভাৰতত দুয়োখন দেশৰ প্ৰতিনিধিয়ে কোভিড-19ৰ চিকিৎসাৰ বিষয়ে সমাধান উলিওৱাত একেলগে কাম কৰিব ৷