আবু ধাবি, 29 আগষ্ট: এদিন পূৰ্বেই এজন ক্ৰিকেটাৰসহ 12 জন আক্ৰান্ত হৈছে কৰ'ণা ভাইৰাছত ৷ এইবাৰ পুনৰ চেন্নাই চুপাৰ কিংগছৰ বাবে আহিছে আন এটা বেয়া খবৰ ৷ ব্যক্তিগত কাৰণত আৰৱ আমিৰাতত অনুষ্ঠিত হ‘বলগীয়া IPL-2020 ত নেখেলে CSK ৰ তাৰকা অলৰাউণ্ডাৰ সুৰেশ ৰাইনাই ৷ ইতিমধ্যে স্বদেশলৈ উভতি আহিছে ক্ৰিকেটাৰগৰাকী ৷
এই সন্দৰ্ভত চেন্নাই চুপাৰ কিংগছৰ মুখ্য কাৰ্যবাহী বিষয়া কে এছ বিশ্বনাথনে কয় যে, "ব্যক্তিগত কাৰণত দেশলৈ উভতি আহিছে সুৰেশ ৰাইনা ৷ এইবাৰৰ আই পি এলত তেখেতক পোৱা নাযাব ৷ এই পৰিস্থিতিত সুৰেশৰ পৰিয়ালক সম্পূৰ্ণভাৱে সহায় কৰিব চেন্নাই চুপাৰ কিংগছে ৷ "