নিউজ ডেস্ক, ২৯ এপ্ৰিলঃ পূৰ্বৰ তুলনাত আৰোগ্য হৈছে COVID-19ত আক্ৰান্ত ৰোগীৰ সংখ্যা । বিগত ১৯ এপ্ৰিলত COVID-19ত আৰোগ্যৰ সংখ্যা ১৫ শতাংশ আছিল যদিও ২৯ এপ্ৰিলত মুঠ ২৪.৫৬ শতাংশ আৰোগ্য হৈছে বুলি মন্তব্য কৰে নীতি আয়োগৰ মুখ্য কাৰ্যবাহী বিষয়া অমিতাভ কান্তে ।
লগতে অমিতাভ কান্তে ৰাজ্য তথা জিলাসমূহত COVID-19 প্ৰতিৰোধ তথা স্বাস্থ্য ব্যৱস্থা উন্নত কৰাৰ উদ্দেশ্য কঠোৰ পৰিশ্ৰম কৰিব লাগিব বুলিও উল্লেখ কৰে ।
তেখেতে কয় যে, বৰ্তমান পৰ্যন্ত COVID-19ৰ পৰা আৰোগ্য হোৱা ৰোগীৰ সংখ্যা ৭৭০০ ৰো অধিক । বিগত এপ্ৰিলত আৰোগ্যৰ সংখ্যা আছিল ১৫%, ২৬ এপ্ৰিলত আৰোগ্যৰ সংখ্যা ১৯.২% আৰু বুধবাৰ তথা ২৯ এপ্ৰিলত আৰোগ্যৰ সংখ্যা ২৪.৫৬ শতাংশ ৷
আনহাতে, বৰ্তমান পৰ্যন্ত ভাৰতত COVID-19 ত আক্ৰান্তৰ মুঠ সংখ্য়া ৩১,৭৮৭ জন । তাৰোপৰি, দেশখনত বিগত ২৪ ঘণ্টাত ভাইৰাছত ১,৮১৩ জন ব্যক্তি আক্ৰান্ত হোৱাৰ বিপৰীতে মৃত্যু হৈছে ৭১ জনৰ । বৰ্তমানেও ২২,৯৮২ জন COVID-19 ত আক্ৰান্ত সক্ৰিয় ৰোগী আছে বুলি মন্তব্য কৰে স্বাস্থ্য মন্ত্ৰণালয়ে ।