ভাৰত, লাও PDR য়ে COVID ৰ পাচত বৈশ্বিক সহযোগিতাৰ বাবে সন্মতি

এক অফিচিয়েল বিবৃতিত কোৱা হয় যে, লাও PDR চৰকাৰে কৰ'ণা ভাইৰাছ ৰোধৰ বাবে গ্ৰহণ কৰা ব্যৱস্থা সম্পৰ্কতো মোডীয়ে প্ৰশংসা আগবঢ়ায় ৷

নেশ্যনেল ডেস্ক, 13 জুন : শুকুৰবাৰে ভাৰত আৰু লাও PDR য়ে COVID ৰ পাচৰ পৃথিৱীত আন্তৰাষ্ট্ৰীয় সহযোগিতা প্ৰদান কৰিবলৈ সন্মতি প্ৰকাশ কৰিছে ৷ ভাৰতৰ প্ৰধানমন্ত্ৰী নৰেন্দ্ৰ মোডী আৰু Lao People's Democratic Republic ৰ প্ৰধানমন্ত্ৰী থংলাউন ছিচৌলিথে টেলিফোনিক বাৰ্তালাপৰ জৰিয়তে স্বাস্থ্য আৰু অৰ্থনৈতিক প্ৰত্যাহ্বান সম্পৰ্কত আলোচনা কৰে ৷

এক অফিচিয়েল বিবৃতিত কোৱা হয় যে, লাও PDR চৰকাৰে কৰ'ণা ভাইৰাছ ৰোধৰ বাবে গ্ৰহণ কৰা ব্যৱস্থা সম্পৰ্কতো মোডীয়ে প্ৰশংসা আগবঢ়ায় ৷

বিবৃতিত কোৱা হয়, "আন্তৰাষ্ট্ৰীয় সহযোগিতাৰ বাবে দুয়োগৰাকী নেতাই সন্মতি জনাইছে আৰু নিজা অভিজ্ঞতাৰ আদান প্ৰদান কৰিছে ৷"

প্ৰধানমন্ত্ৰী মোডীয়ে ভাৰতৰ সৈতে লাও PDR ৰ ঐতিহাসিক আৰু সাংস্কৃতিক যোগসূত্ৰ সম্পৰ্কতো বাৰ্তালাপ কৰাৰ লগতে ভাট ফৌত (Vat Phou) বিশ্ব ঐতিহ্য ক্ষেত্ৰৰ পুনৰুদ্ধাৰত সন্তুষ্টি প্ৰকাশ কৰে ৷

লাও PDR ৰ উন্নয়নৰ বিভিন্ন আঁচনিত ভাৰতে সমৰ্থন আগবঢ়াই অহা বাবে মোডীক ধন্যবাদ জ্ঞাপন কৰে থংলাউন ছিচৌলিথে ৷

ভাৰতৰ সৈতে উন্নয়নমূলক আঁচনি তথা দ্বিপাক্ষিক সম্পৰ্ক উন্নত কৰাৰ ক্ষেত্ৰত সদায় সহযোগিতা আগবঢ়াব বুলি মন্তব্য কৰে ছিচৌলিথে ৷

আৰু পঢ়ক : বাঘজানৰ জুই : আমেৰিকা আৰু কানাডাৰ পৰা আহিল বিশেষজ্ঞৰ দল