ক'ভিড-19 প্ৰতিষেধকৰ উপলব্ধতা নিশ্চিত কৰাৰ বাবে ভাৰত সুৰক্ষিত অৱস্থাত আছে

ইটিভি ভাৰতৰ সৈতে হোৱা এক সাক্ষাৎকাৰত মৌলানা আজাদ চিকিৎসা মহাবিদ্যালয়ৰ ডাইৰেক্টৰ জেনেৰেল ড৹ শীতল গাৰ্গে কয় যে, দেশত প্ৰস্তুত কৰা বহুকেইটা ক'ভিড প্ৰতিষেধকৰ প্ৰস্তুতি যথেষ্ট আগবাঢ়ি আছে আৰু সেই অনুসৰি দেশত এই প্ৰতিষেধকৰ উপলব্ধতা সুনিশ্চিত কৰাৰ বাবে ভাৰত সুৰক্ষিত অৱস্থাত আছে ৷ ক'ভিড পৰিস্থিতি নিয়ন্ত্ৰণৰ ক্ষেত্ৰত ভাৰতৰ প্ৰচেষ্টাৰ শলাগ লোৱাৰ লগতে তেওঁ কয় যে বহুলোকে যথেষ্ট ৰোগ প্ৰতিৰোধ ক্ষমতা অৰ্জন কৰিছে ৷

নেচনেল ডেস্ক, 18 ডিচেম্বৰ: গ্ল'ৱেল মেডিকেল জাৰ্ণেল বিএমজে (BMJ) ৰ দ্বাৰা চলোৱা অধ্যয়ণত এই কথা প্ৰকাশ পাইছে যে বিশ্বৰ মুঠ জনসংখ্যাৰ প্ৰায় এক চতুৰ্থাংশই 2022 চনলৈকে ক'ভিড -19 ৰ প্ৰতিষেধক লাভ কৰিব নোৱাৰিব ৷ গ্ল'ৱেল মেডিকেল জাৰ্ণেলখনৰ এই দাবীৰ পৰিৱৰ্তে ইটিভি ভাৰতৰ সৈতে হোৱা এক আচুতীয়া সাক্ষাৎকাৰত মৌলানা আজাদ চিকিৎসা মহাবিদ্যালয়ৰ ডাইৰেক্টৰ জেনেৰেল ড৹ শীতল গাৰ্গে কয় যে ভাৰতত ক'ভিড প্ৰতিষেধকৰ উপলব্ধতা সুনিশ্চিত কৰাৰ বাবে দেশখন এতিয়াও এক সুৰক্ষিত অৱস্থাত আছে ৷

গাৰ্গে উল্লেখ কৰে যে উন্নয়নশীল দেশসমূহে ইতিমধ্যে Pfizer প্ৰতিষেধক লাভ কৰিছে আৰু কিছুসংখ্যক ৰাষ্ট্ৰই চীনা প্ৰতিষেধকো লাভ কৰিবলৈ সক্ষম হৈছে ৷

তেওঁ লগতে কয় যে ভাৰতৰ বহুকেইটা ক'ভিড-19 প্ৰতিষেধকৰ প্ৰস্তুতি প্ৰক্ৰিয়া যথেষ্ট আগবাঢ়ি আছে ৷ চিৰাম ইনষ্টিটিউট অফ ইণ্ডিয়াৰ ক'ভিশ্বিল্ডে ইতিমধ্যে বিদেশত পৰীক্ষণ সফলভাৱে সম্পন্ন কৰিছে আৰু অতি সোনকালেই জৰুৰীকালীন প্ৰয়োগৰ কৰ্তৃত্ব লাভ কৰাৰ সম্ভাৱনা আছে ৷ ভাৰত বায়'টেকৰ ক'ভেক্সিনো পৰীক্ষণৰ তৃতীয় পৰ্যায়ত আছে ৷ ক'ভেক্সিনৰ প্ৰথম আৰু দ্বিতীয় পৰ্যায়ৰ পৰীক্ষণ সফলভাৱে সম্পন্ন হৈছে ৷

ড৹ গাৰ্গে কয় যে ভাৰতৰ বাবে ক'ভিড-19 ৰ প্ৰতিষেধকৰ উপলব্ধতা বিশেষ সমস্যাৰূপে দেখা দিয়াৰ সম্ভাৱনা নাই ৷ ভাৰতে ক'ভিডক সঠিকভাৱে নিয়ন্ত্ৰণ কৰিবলৈ সক্ষম হৈছে বুলি মন্তব্য কৰি গাৰ্গে লগতে কয় যে, ইতিমধ্যে ভাৰতৰ বহুকেইখন চহৰ যেনে দিল্লী আৰু মুম্বাইতো জনসাধাৰণৰ মাজত ৰোগ প্ৰতিৰোধ ক্ষমতা যথেষ্ট বৃদ্ধি পাইছে ৷

স্বাস্থ্য জাৰ্ণেল বিমজেৰ মতে বৰ্তমান মুঠ 48 টা ক'ভিড প্ৰতিষেধক বৰ্তমান নিদানিক পৰীক্ষণত আছে ৷ এই 48 টা প্ৰতিষেধকৰ ভিতৰত 13 উৎপাদনকাৰীয়ে ইতিমধ্যে 7.48 বিলিয়ন প্ৰতিষেধকৰ বাবে প্ৰি মাৰ্কেট পাৰচেজ কমিটমেণ্ট ত প্ৰৱেশ কৰিছে ৷ ইউৰোপিয়ান ইউনিয়ন ব্লককে ধৰি উচ্চ আয়ৰ দেশসমূহে ইয়াৰে 51 % ইতিমধ্যে সংৰক্ষণ কৰিছে কিন্তু এই পৰিমাণ বিশ্বৰ মুঠ জনসংখ্যাৰ মাত্ৰ 13.7 শতাংশহে সামৰি ল'ব ৷ আকৌ এই 13 উৎপাদনকাৰীৰ মাজত মাত্ৰ 6 টা হে নিম্ন আৰু মধ্যবিত্ত ৰাষ্ট্ৰক বিক্ৰী কৰা হৈছে ৷

লগতে পঢ়ক:কৰ‘ণা ভাইৰাছত আক্ৰান্ত হৈ সুস্থ হোৱা লোকসকলৰ মাজত নতুন সংক্ৰমণ