নেশ্যনেল ডেস্ক, 28 চেপ্তেম্বৰ: সোমবাৰলৈ ভাৰতত কৰ'ণাৰ সংক্ৰমণে অতিক্ৰম কৰিলে 60 লক্ষাধিক লোকলৈ ৷ বিগত 24 ঘণ্টাত ভাৰতত নতুনকৈ 82,170 গৰাকী লোকৰ দেহত পোৱা গৈছে কৰ'ণা মহামাৰীৰ অৱস্থিতি ৷ কেন্দ্ৰীয় স্বাস্থ্য মন্ত্ৰণালয়ে প্ৰদান কৰা প্ৰতিবেদন অনুসৰি প্ৰকাশ কৰা হৈছে এই তথ্য ৷
আনহাতে দেশত কৰ'ণাত আক্ৰান্ত হৈ মৃত্যু হোৱা লোকৰ সংখ্যাও বৃদ্ধি পালে 95,542 গৰাকীলৈ ৷ বিগচ 24 ঘণ্টাত কৰ'ণাত আক্ৰান্ত হৈ মুঠ 1,039 লোকৰ মৃত্যু হৈছে ৷ বৰ্তনানেও দেশত 9,62,640 গৰাকী সক্ৰিয় কৰ'ণা আক্ৰান্ত ৰোগী আছে ৷
উল্লেখ্য যে, ভাৰতত সোমবাৰলৈ 60,74,702 লোকলৈ আক্ৰান্তৰ সংখ্যা বৃদ্ধি পালে ৷ অৱশ্যে এই মহামাৰীৰ কবলৰ পৰা আৰোগ্য লাভ কৰা লোকৰ সংখ্যাও 50,16,520 গৰাকীলৈ বৃদ্ধি পাইছে, যিটো মুঠ আক্ৰান্তৰ সংখ্যাৰ 82.58 শতাংশ ৷