নোশ্যনেল ডেস্ক, ৪ নৱেম্বৰ: দেশত ৮৩ লাখ স্পৰ্শ কৰিলে কৰ'ণা আক্ৰান্তৰ সংখ্যাই। বুধবাৰে কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা তথ্য অনুসৰি, ভাৰতত COVID-19 আক্ৰান্তৰ আৰোগ্যৰ সংখ্যা ৭৬.৫৬ লাখ হৈছে। এই পৰিসংখ্যাই ৰাষ্ট্ৰীয় আৰোগ্যৰ হাৰ ৯২ শতাংশৰো অধিক বৃদ্ধি কৰিছে। ৪৬,২৫৩ গৰাকী নতুনকৈ সংক্ৰমণ হোৱা ৰোগীসহ বৰ্তমান দেশত কৰ'ণা আক্ৰান্তৰ সংখ্যা হৈছেগৈ ৮৩,১৩,৮৭৬ জন।
মহামাৰীৰ কবলত পৰি মৃত্যুক আঁকোৱালি লৈছে ১,২৩,৬১১ গৰাকী ৰোগীয়ে। বুধবাৰে পুৱা ৮ বজাত কেন্দ্ৰীয় স্বাস্থ্য মন্ত্ৰালয়ে এই তথ্য আপডেট কৰিছে। এইপৰ্যন্ত কৰ'ণা ভাইৰাছৰ সংক্ৰমণৰ পৰা মুক্ত হৈ সুস্থ হৈ উঠিছে ৭৬,৫৬,৪৭৮ জন লোকে। ৬ দিনত COVID-19ত আক্ৰান্তৰ সক্ৰিয় ঘটনা ধাৰাবাহিকভাৱে ৬ লাখ পৰ্যন্ত নিম্নগামী হৈছে। দেশত ৫,৩৩,৭৮৭টা সক্ৰিয় ঘটনা আছে। COVID-19 টেলীয়ে যোৱা ২৩ আগষ্টত ৭,৩০ লাখৰ পৰা ২০ লাখ অতিক্ৰম কৰে আৰু যোৱা ৫ ছেপ্টেম্বৰত ৪০ লাখ স্পৰ্শ কৰে।