নতুন দিল্লী, 20 এপ্ৰিলঃ LoC ত থকা সন্ত্ৰাসবাদী ঘাটি সমূহক লক্ষ কৰি ভাৰতীয় সেনাই আক্ৰমণ চলাইছে বুলি জানিবলৈ দিছে দেশখনৰ প্ৰতিৰক্ষা মন্ত্ৰী ৰাজনাথ সিঙে । জম্মু কাশ্মীৰত সীমান্তত থকা সন্ত্ৰাসবাদী ঘাটি সমূহ উৎখাত কৰাৰ উদ্দেশ্যেৰে এই আক্ৰমণ কৰিছে ।
সংবাদ মাধ্যমৰ সৈতে হোৱা সাক্ষাৎকাৰত ৰাজনাথ সিঙে কয় যে,কৰ'ণা ভাইৰাছৰ বাবে হোৱা সংকটময় সময়তো দেশৰ সুৰক্ষাৰ দায়িত্বত থকা জোৱানসকলে গুৰুত্বপূৰ্ণ ভূমিকা পালন কৰি আহিছে। মহামাৰীৰ সময়চোৱাতো বিগত কেইবা সপ্তাহ ধৰি পাকিস্তানে যুদ্ধবিৰতি উলংঘা কৰিছে আৰু সন্ত্ৰাসবাদীক জম্মু-কাশ্মীৰ সীমান্তৰে ভাৰতত প্ৰৱেশ কৰাৰ সুবিধা কৰি দিছে । কিন্তু ভাৰতীয় সেনায়ো ইয়াৰ বাবে পূৰ্ণ সাজু হৈ আছে আৰু যোৱা দুসপ্তাহ মানৰ পৰা অভিযান চলাই সন্ত্ৰাসবাদীৰ ঘাটিক লক্ষ্য কৰি আক্ৰমণ চলোৱা হৈছে ।