নিউজ ডেস্ক, ২৯ জুনঃ বলিউডৰ অভিনেত্ৰী ভূমি পেডনেকাৰে সোমবাৰে "সোণছিৰিয়াৰ" সহ-অভিনেতা তথা বলিউডৰ সদ্য প্ৰয়াত অভিনেতা সুশান্ত সিং ৰাজপুতক শ্ৰদ্ধাঞ্জলি জনোৱাৰ উদ্দেশ্যৰে ৫৫০ টা ৰো অধিক পৰিয়ালক খাদ্য যোগান ধৰিব বুলি মত প্ৰকাশ কৰে ।
সুশান্ত সিং ৰাজপুতৰ স্মৃতিত ৫৫০ টা দৰিদ্ৰ পৰিয়াললৈ খাদ্য যোগান ভূমি পেডনেকাৰৰ - ভূমি পেডনেকাৰ
সদ্য প্ৰয়াত বলিউড অভিনেতা সুশান্ত সিং ৰাজপুতক শ্ৰদ্ধাঞ্জলি জনোৱাৰ উদ্দেশ্যৰে ৫৫০ টা দৰিদ্ৰ পৰিয়ালক খাদ্য যোগান ধৰিব বুলি সোমবাৰে ইষ্টাগ্ৰামযোগে প্ৰকাশ কৰে বলিউডৰ অভিনেত্ৰী ভূমি পেডনেকাৰে ।
সুশান্ত সিং ৰাজপুতৰ স্মৃতিত ৫৫০ টা দৰিদ্ৰ পৰিয়াললৈ খাদ্য যোগান ভূমি পেডনেকাৰৰ
সোমবাৰে পেডনেকাৰে ইষ্টাগ্ৰামত সুশান্ত সিং ৰাজপুতৰ এখন ফটো শ্বেয়াৰ কৰাৰ লগতে এটি পোষ্ট শ্বেয়াৰ কৰে । পেডনেকাৰে ইষ্টাগ্ৰামত লিখে যে, মই মোৰ মৰমৰ বন্ধুজনৰ নামত এটি বেচকাৰী সংস্থাৰ মাধ্যমেৰে ৫৫০ টা দৰিদ্ৰ পৰিয়ালক খাদ্য যোগান ধৰিম । আহক আমি সকলোৱে প্ৰেম আৰু কৰুণাৰে এই সংকটৰ সময়ত অসহায় ব্যক্তিলৈ সহায়ৰ হাত আগবঢ়াও ।
উল্লেখ্য যে, বলিউডৰ অভিনেতা সুশান্ত সিং ৰাজপুত আৰু অভিনেত্ৰী ভূমি পেডনেকাৰে অভিষেক ছৌবেৰ নিৰ্দেশনাত "সোণছিৰিয়া"নামৰ ছবিখনত একেলগে অভিনয় কৰাৰ সুযোগ লাভ কৰিছিল ।