হত্যা কৰা হৈছিল আই.বিৰ বিষয়া অংকিত শৰ্মাক !

উত্তৰ-পূৱ দিল্লীত সংঘটিত হোৱা হিংসাত্মক কাৰ্যত প্ৰাণ হেৰুওৱা ইণ্টেলিজেন্স ব্যুৰ’ৰ বিষয়া অংকিত শৰ্মাৰ মৃত্যু হত্যাকাণ্ড বুলি মৰণোত্তৰ পৰীক্ষাৰ ৰিপ’ৰ্টত ফাদিল হয় ৷ অংকিত শৰ্মাৰ শৰীৰত চোকা অস্ত্ৰৰে কৰা আঘাতৰ চিন স্পষ্টৰূপত দেখা পোৱা গৈছে বুলি চিকিৎসকে জানিবলৈ দিয়ে ৷

নিউজ ডেস্ক, 28 ফেব্ৰুৱাৰীঃ উত্তৰ-পূৱ দিল্লীত সংঘটিত হোৱা হিংসাত্মক কাৰ্যত প্ৰাণ হেৰুওৱা ইণ্টেলিজেন্স ব্যুৰ’ৰ বিষয়া অংকিত শৰ্মাৰ মৃত্যুৰ আঁৰৰ ৰহস্য ফাদিল ৷ তেওঁৰ মৃত্যু হত্যাকাণ্ড বুলি মৰণোত্তৰ পৰীক্ষাৰ ৰিপ’ৰ্টত স্পষ্ট হৈছে ৷

মৰণোত্তৰ পৰীক্ষাৰ ৰিপ’ৰ্টত, অংকিত শৰ্মাৰ শৰীৰত চোকা অস্ত্ৰৰে কৰা আঘাতৰ চিন স্পষ্টৰূপত দেখা পোৱা গৈছে বুলি জানিবলৈ দিয়ে চিকিৎসকে ৷

ইণ্টেলিজেন্স ব্যুৰ’ৰ এগৰাকী বিষয়াই অংকিত শৰ্মাৰ মৃতদেহটো হিংসা প্ৰভাৱিত কৰা চান্দবাগ অঞ্চলত তেওঁৰ বাসগৃহৰ সমীপত মৃত অৱস্থাত উদ্ধাৰ কৰে ৷

আৰক্ষীৰ ভাষ্য অনুসৰি, শৰ্মাই অ’ফিচৰ পৰা ঘৰলৈ উভতাৰ পিছত পৰিস্থিতিৰ বুজ ল’বলৈ ঘটনাস্থলীত উপস্থিত হৈছিল আৰু তেনে সময়তে কিছু হিংস্ৰ আক্ৰমণকাৰীৰ মুখামুখি হৈ তেওঁ প্ৰাণ হেৰুৱাব লগা হয় ৷ আক্ৰমণকাৰীয়ে তেওঁক মাৰ-পিট কৰাৰ লগতে চোকা অস্ত্ৰৰে আঘাট কৰি হত্যা কৰে আৰু মৃত শৰীৰটো কাষৰ নলাত পেলাই দিয়ে ৷

বুধবাৰে মৃত শৰ্মাৰ শৰীৰটো নলাৰ পৰা উদ্ধাৰ কৰা হয় ৷

অংকিত শৰ্মাৰ পিতৃ দেৱেন্দ্ৰ শৰ্মাই কোৱা মতে, মঙলবাৰে সন্ধিয়া প্ৰায় 5.30 বজাত অংকিত শৰ্মা ঘৰলৈ উভতে আৰু পৰিস্থিতিৰ বুজ ল’বলৈ তেওঁ ঘটনাস্থলীত উপস্থিত হৈছিল ৷ ঘণ্টাৰ পিছত ঘণ্টা ধৰি তেওঁ ঘৰলৈ নহা বাবে তেওঁৰ পৰিয়ালে জি টি বি আৰু লোকনায়ক হাস্পতালত খবৰ কৰে, কিন্তু তেওঁৰ একো সুংশূত্ৰ বিচাৰি নাপালে ৷

বুধবাৰে দিনৰ 3 বজালৈ পৰিয়ালে শৰ্মাক বিচাৰি আছিল যদিও নিশা 10 বজাত তেওঁৰ মৃত্যু আৰু মৃতদেহটো নলাত পৰি থকা বুলি অৱগত হয় ৷

আৰু পঢ়কঃ আজি উচ্চ ন্যায়ালয়ত ছোনিয়া, ৰাহুল, প্ৰিয়ংকা গান্ধীৰ বিৰুদ্ধে শুনানী গ্ৰহণ