নেশ্বনেল ডেস্ক, 2 ডিচেম্বৰঃহায়দৰাবাদৰ পশু চিকিৎসক, প্ৰিয়ংকা ৰেড্ডীৰ গণ-ধৰ্ষণ আৰু হত্যাকাণ্ডক লৈ প্ৰতিক্ৰিয়া প্ৰকাশ কৰিছে তেলেংগানা আৰক্ষীয়ে ৷ এক সংবাদমেল আয়োজন কৰি ৰাজ্যখনৰ আৰক্ষী সঞ্চালকপ্ৰধানে ঘটনাৰ ক্ষীপ্ৰ আৰু নিৰপেক্ষ অনুসন্ধান তথা তদন্তৰ আশ্বাস প্ৰদান কৰে ৷ আৰক্ষী সঞ্চালকপ্ৰধান এম মহেন্দৰ ৰেড্ডীয়ে ঘটনাৰ সৈতে জড়িত থকা চাৰিগৰাকী অভিযুক্তক কঠোৰৰ পৰা কঠোৰতম শাস্তিৰ লগতে নিৰ্ধাৰিত সময়ৰ ভিতৰতে অনুসন্ধান প্ৰক্ৰিয়া সম্পন্ন কৰাৰ আশ্বাস প্ৰদান কৰে ৷
লগতে পঢ়কঃ সংসদত উত্থাপন হায়দৰাবাদৰ দলবদ্ধ ধৰ্ষণ কাণ্ড
দেওবাৰে নিশাৰ ভাগত অনুষ্ঠিত হোৱা সংবাদমেলখনত এইসন্দৰ্ভত তদন্তকাৰী বিষয়াক যাৱতীয় নিৰ্দেশনা প্ৰদান কৰাৰ কথাও প্ৰকাশ কৰে সঞ্চালকপ্ৰধানগৰাকীয়ে ৷ ঘটনাৰ সৈতে জড়িত থকা চাৰিগৰাকী অভিযুক্তৰ কঠোৰতম শাস্তিৰ বাবে ৰাজ্যখনৰ আইন বিভাগৰ সৈতেও আলোচনাত মিলিত হোৱাৰ কথা প্ৰকাশ কৰে সঞ্চালকপ্ৰধানগৰাকীয়ে ৷
লগতে পঢ়কঃহায়দৰাবাদ দলবদ্ধ ধৰ্ষণ কাণ্ডৰ চাৰি অভিযুক্তক 14 দিনৰ ন্যায়িক জিম্মালৈ প্ৰেৰণ
বিগত 28 নৱেম্বৰত হায়দৰাবাদৰ চাদনগৰ অঞ্চলত জ্বলি যোৱা অৱস্থাত উদ্ধাৰ হৈছিল পশু চিকিৎসক প্ৰিয়ংকা ৰেড্ডীৰ মৃতদেহ ৷ আৰক্ষীৰ প্ৰাথমিক তদন্তত প্ৰিয়ংকাৰ সৈতে বৰ্বৰ গণ-ধৰ্ষণ সংঘটিত হোৱাৰ লগতে জীৱন্তে জ্বলাই হত্যা কৰাৰ তথ্য পোহৰলৈ আহিছিল ৷ ঘটনাৰ এদিন পিচতেই তেলেংগানা আৰক্ষীয়ে ধৰ্ষণ আৰু হত্যাকাণ্ডৰ সৈতে জড়িত থকাৰ অভিযোগত চাৰিগৰাকীকৈ লোকক গ্ৰেপ্তাৰ কৰিছিল ৷ 20ৰ পৰা 24 বছৰ বয়সৰ ট্ৰাকৰ কৰ্মচাৰী চাৰিগৰাকীয়ে ঘটনাৰ সৈতে জড়িত থকাৰ কথা ইতিমধ্যে স্বীকাৰ কৰিছে ৷ শনিবাৰে আটাইকেইগৰাকী অভিযুক্তকে 14 দিনৰ ন্যায়িক জিম্মালৈ প্ৰেৰণ কৰিছে তেলেংগানা আৰক্ষীয়ে ৷ আটাইকেইগৰাকী অভিযুক্তকে কটকটীয়া নিৰীক্ষণ ব্যৱস্থাৰে চেৰাপল্লী জেলত ৰখা হৈছে ৷
