নিউজ ডেস্ক, ১৮ এপ্ৰিলঃকেন্দ্ৰীয় মানৱ সম্পদ উন্নয়ন মন্ত্ৰী ৰমেশ পোখৰিয়াল নিশাংকে দেশৰ ব্যক্তিগত খণ্ডৰ শিক্ষানুষ্ঠানসমূহলৈ বিশেষ আহ্বান জনাইছে । সেই অনুসৰি, কোভিড-১৯ মহামাৰীৰ সময়ত ব্যক্তিগত খণ্ডৰ শিক্ষানুষ্ঠানত অধ্যয়নৰত শিক্ষাৰ্থীসকলৰ বাৰ্ষিক মাচুল ৰেহাই দি হ্ৰাস কৰিবলৈ আহ্বান জনাইছে কেন্দ্ৰীয় মন্ত্ৰীগৰাকীয়ে ।
ছচিয়েল মিডিয়াযোগে মন্ত্ৰীগৰাকীয়ে এই কথা প্ৰকাশ কৰিছে । মন্ত্ৰীগৰাকীয়ে প্ৰকাশ কৰা অনুসৰি, তেওঁ অভিভাৱকসকলৰ পৰা বিদ্য়ালয়সমূহে এই মহামাৰীৰ সময়ত শিক্ষাৰ্থীসকলৰ তিনিমাহৰ মাচুল একেলগে বিছাৰিছে । যিটো এই মহামাৰীৰ সময়ত অভিভাৱকসকলৰ বাবে সম্ভৱপৰ নহয় । সেয়েহে ব্যক্তিগত খণ্ডৰ শিক্ষানুষ্ঠানসমূহে মাচুল ৰেহাইৰে হ্ৰাস কৰিবলৈ আহ্বান জনায় মন্ত্ৰীগৰাকীয়ে ।