নতুন দিল্লী, 8 অক্টোবৰ : ভাৰতীয় জনতা পাৰ্টীৰ বিৰুদ্ধে হাথৰছ কাণ্ডৰ ভুক্তভোগীৰ চৰিত্ৰক অৱমাননা কৰাৰ বাবে এক ভুৱা আখ্যান সৃষ্টি কৰাৰ অভিযোগ উত্থাপন কৰি কংগ্ৰেছ নেত্ৰী প্ৰিয়ংকা গান্ধী ৱাদ্ৰাই বৃহস্পতিবাৰে কয় যে, উক্ত মহিলাগৰাকী ন্যায় লাভৰ যোগ্য, বদনাম হোৱাৰ যোগ্য নহয়।
কংগ্ৰেছ নেত্ৰীগৰাকীয়ে টুইটাৰযোগে কয় যে, "হাথৰছত এক জঘন্য অপৰাধ কৰা হৈছে, যাৰ ফলত ২০ বছৰীয়া এগৰাকী দলিত যুৱতীৰ মৃত্যু হৈছে,"
উক্ত টুইটত তেখেতে কয়, "তাইৰ পৰিয়ালৰ অংশগ্ৰহণ বা সন্মতি অবিহনে তাইৰ শৰীৰটো দাহ কৰা হৈছে। তাই ন্যায় লাভ কৰাৰ যোগ্য, বদনামী হোৱাৰ নহয় ৷ "ইয়াৰ পূৰ্বে প্ৰিয়ংকাই উত্তৰ প্ৰদেশত দলবদ্ধ ধৰ্ষণৰ অভিযোগত ২৯ ছেপ্টেম্বৰত মৃত্যু হোৱা হাথৰছৰ ভুক্তভোগীৰ বিৰুদ্ধে প্ৰচাৰ চলোৱা বুলি অভিযোগ কৰিছিল আৰু ৰাজ্য চৰকাৰক প্ৰশ্ন কৰিছিল যে, চৰকাৰে এই বিষয়ত আদালতৰ অনুসন্ধানৰ নিৰ্দেশ দিব নেকি।