শ্ৰীনগৰত হিজাবুল মুজাহিদিনৰ শীৰ্ষ নেতাক হত্যা

জম্মু-কাশ্মীৰৰ শ্ৰীনগৰৰ সমীপত সুৰক্ষা কৰ্মীৰ সৈতে হোৱা এক গুলিয়াগুলিত নিহত হৈছে এজন সন্ত্ৰাসবাদী ৷ ইয়াৰ সমান্তৰালভাৱে আটক কৰা হৈছে আন এজন সন্ত্ৰাসবাদীক ৷

শ্ৰীনগৰ,1 .নৱেম্বৰ:দেওবাৰে জম্মু-কাশ্মীৰৰ শ্ৰীনগৰৰ সমীপত সুৰক্ষা কৰ্মীৰ সৈতে হোৱা এক গুলিয়াগুলিত নিহত হৈছে এজন সন্ত্ৰাসবাদী ৷ ইয়াৰ সমান্তৰালভাৱে আটক কৰা হৈছে আন এজন সন্ত্ৰাসবাদীক ৷ কাশ্মীৰ আৰক্ষীৰ মহা পৰিদৰ্শক বিজয় কুমাৰে প্ৰকাশ কৰা অনুসৰি, পুৰণি বিমানবন্দৰৰ সমীপৰ ৰংগৰেথত সন্ত্ৰাসবাদীৰ উপস্থিতিৰ উমান লাভ কৰি সুৰক্ষাকৰ্মীসকলে অঞ্চলটো ঘেৰি ধৰে ৷ গোপন সূত্ৰৰ পৰা লাভ কৰা তথ্যৰ ভিত্তিত চলিছিল এই অভিযান ৷

সেনাবাহিনীয়ে অঞ্চলটোত তালাচী চলাই থাকোতে সন্ত্ৰাসবাদীসকলে দলটোৰ ওপৰত আক্ৰমণ কৰে ৷ সেনাবাহিনীৰ দলটোৱে দিয়া প্ৰত্যুত্তৰৰ ফলতে থিতাতে নিহত হয় এজন সন্ত্ৰাসবাদী ৷ সন্ত্ৰাসবাদীৰ দলটোৱে সেনাবাহিনীৰ ওপৰত পিছত শিলাবৰ্ষণ কৰে ৷

লগতে চাওকঃক'ত হেৰাল বেণ্ডিকোট !