নেশ্যনেল ডেস্ক, 6 মে' : কাশ্মীৰৰ মষ্ট ৱান্টেড উগ্ৰপন্থী আৰু হিজবুলৰ মুৰব্বী ৰিয়াজ নাইকুৰ জম্মু-কাশ্মীৰৰ পুলৱামা জিলাৰ বেইঘপুৰা গাঁৱত মৃত্যু হয় ৷ এই সম্পৰ্কত প্ৰশাসনে বৰ্তমানলৈকে নিশ্চিতি প্ৰদান কৰা নাই যদিও 5 মে'ৰ নিশা এক এনকাউন্টাৰত নাইকুৰ মৃত্যু হোৱা বুলি প্ৰকাশ পাইছে ৷
পুলৱামা এনকাউন্টাৰত মৃত্যু হিজবুল কমাণ্ডাৰ ৰিয়াজ নাইকুৰ
সুৰক্ষা বাহিনীৰ হাতত প্ৰাণ হেৰুৱালে হিজবুলৰ কমাণ্ডাৰ ৰিয়াজ নাইকুয়ে ৷ 5 মে'ৰ নিশা এক এনকাউন্টাৰত নাইকুৰ মৃত্যু হোৱা বুলি সূত্ৰত প্ৰকাশ ৷
পুলৱামা এনকাউন্টাৰত মৃত্যু হিজবুল কমাণ্ডাৰ ৰিয়াজ নাইকুৰ
তথ্য অনুসৰি, হিজবুল মুজাহিদীনৰ কমাণ্ডাৰজনে নিজ গাঁও বেইঘপুৰাত উপস্থিত হোৱাৰ পাচতে ৰাষ্ট্ৰীয় ৰাইফলছ (RR), চিআৰপিএফ (CRPF) আৰু স্থানীয় আৰক্ষীৰ বিশেষ অপাৰেছন গ্ৰুপে (SOG) যুটীয়া অভিযান চলাই নাইকুক হত্যা কৰে ৷ এই যুটীয়া অভিযানৰ সময়ত সুৰক্ষা জোৱানসকলে গাঁওখনৰ প্ৰৱেশ আৰু প্ৰস্থানৰ সকলো বাট বন্ধ কৰি নাইকুক হত্যা কৰে বুলি তথ্য়ত প্ৰকাশ ৷
উল্লেখ্য যে, 2016 চনৰ 8 জুলাইত অনন্তনাগ জিলাৰ কোকাৰনাগত সুৰক্ষা বাহিনীৰ হাতত বুৰহান ৱানিৰ মৃত্যু হোৱাৰ পাচতে ৰিয়াজ নাইকুয়ে হিজবুলি মুজাহিদীনৰ কমাণ্ডাৰ হিচাপে দায়িত্বভাৰ গ্ৰহণ কৰিছিল ৷